Ошто жайлоого кеткен 17 жаштагы өспүрүмдүн жансыз денеси табылды

Ош облусунун Өзгөн районунда 17 жаштагы баланын жансыз денеси табылды. Өзгөчө кырдаалдар министрлигинен маалымдашкандай, маркумдун сөөгүн жергиликтүү тургундар аныкташкан.

Белгилүү болгондой, 17 жашар Т.К. аттуу бала Супа жайлоосунда жайылып жүргөн мал-жандыктарын кароо үчүн чыгып кеткен бойдон кайрылып келген эмес. Бул тууралуу 24-майга караган түнү саат 01:00дө өспүрүмдүн жакындары куткаруучуларга билдиришкен.

Бүгүн издөө иштерин жүргүзүү үчүн 5 куткаруучу тартылган. Куткаруучулар жеткенге чейин баланын денесин жергиликтүү тургундар табышкан.