Бишкекте "Эркектердин урологиялык ден соолугунун жумалыгы" өтөт

Борбор калаада 10-15-февралда "Эркектердин урологиялык ден соолугунун жумалыгы" өтөт. Бул тууралуу бүгүн, 4-февралда маалымат жыйынында Бишкек шаарынын Ден соолук департаментинин башчысы Амангелди Мурзалиев билдирди.

Ошондой эле Бишкектеги үй-бүлөлүк медицина борборлорунда, студенттердин жана куруучулардын поликлиникаларында урология ооруларына кабылган эркектер акысыз маалымат алып жана дарылана алышарын кошумчалады.

Бишкек шаарынын башкы урологу Нурдин Акматовдун айтымында, 2013-жылы урологиялык оорулары менен 3836 адам кайрылган. Алардын 38ине тукумсуздук, 328ине предстаталык бездин рагы диагноздору коюлду.

"Бишкекте урологиялык оорулар өпкө ооруларынан кийин 2-орунда турат",- деди Акматов.

Автор: Нургазы Аматов
Фото: Нургазы Аматов