Кара-Көл шаардык кеңешинин мурунку депутаты, коомчулукта Жин деген каймана атка ээ Алтынбек Арзымбаевге кол салуу болду

Кара-Көл шаардык кеңешинин экс-депутаты Алтынбек Арзымбаевге кол салуу болду. Бул тууралуу бүгүн, 24-мартта 24.kg өздүк булактарга шилтеме берүү менен жарыялады.

Маалыматка караганда, окуя кечээ, 23-мартта Бишкек шаарындагы Дүйшөмбү көчөсүндөгү футбол аянтчаларынын биринде болгон. Анда белгисиз 3 адам Мерседес үлгүсүндөгү унаадан чыгып, Алтынбек мырзага карай ок чыгарышып, качып кетишкен. Экс-депутат качып кетүүгө үлгүрүп, жабыркагандар жок.

Милиция кызматкерлери окуя болгон жерге барышып, эч кимди табышкан эмес.

Ал коомчулукта Жин деген каймана атка ээ.

Автор: Бекжан Рыскулов