Бразилия-2014: Бразилиялыктар жарым финалга чыгып сүйүнүшсө, колумбиялыктар көздөрүнө жаш алышты (фоторепортаж)

Жеңиш голунун автору Давид Луис күйөрмандарга ыраазычылык билдирүүдө.

Бразилиялыктар көз жашын тыя албай жаткан Хамес Родригести сооротуп, элден анын мыкты оюну үчүн кол чабуусун суранышты.

Бразилия курама командасы мелдештин жарым финалына чыга алды. Кезектеги атаандаш Германия болмокчу.

Белин оорутуп алган футболчу өз алдынча баса албай калып, аны майдандан дарыгерлер көтөрүп кетишти.

Бразилиянын лидери Неймарга карата орой оюн ойнолуп, ал жаракат алып калды.

Оюн бүтөрүнө 10 мүнөт калганда бразилиялыктар эреже бузушту. Бул үчүн, албетте, 11 метрлик айып соккусу белгиленди.

Сары айып кагазын алган Тиаго Силва Германияга каршы оюнга чыга албайт.

Кубанычы жүзүнө толкуп чыккан Давид Луис.

Дарбазачы бул топту тосууга жетише алган жок.

Бразилиянын экинчи голун Давид Луис айып соккусунан пайдаланып киргизди.

Майданда бразилиялык күйөрмандар өтө көп болду.

Бразилиянын машыктуруучусу Луис Филиппе Сколари оюнчуларды майдан четинен башкарууда.

Топ үчүн болгон кезектеги күрөш.

Колумбиянын машыктыруучусу оюнчуларга кызуу кандуулукка алдырбай, оюн тууралуу гана ойлоо тапшырмасын берип жатат.

Оюн өтө курч болду. Салыштырмалуу Хамес Родригеске карата эреже бузуу көп катталды.

Коргоочулардын катасынан пайдаланып, Тиаго Силва оюн эсебин ачып жатат.

Колумбия курама командасы.

Солдон оңго: Неймар, Халк, Оскар, Давид Луис жана Фернандиньо Бразилиянын гимнин аткарышууда.

Оюн бул эки мамлекеттин расмий гимндеринин обого жаңыруусу менен старт алды.

БРАЗИЛИЯ-КОЛУМБИЯ - 2:1

Голдор: Тиаго Силва (7-мүнөттө), Давид Луис (69-мүнөттө), Хамес Родригес (80-мүнөттө, пенальтиден).

4-июлдан 5-июлга караган түнү Бразилиядагы Дүйнө чемпиондугунун жарым финалдык жолдомонун экинчи ээси да белгилүү болду. Жарым финалга мындан 4 саат мурун гана жолдомо алган Германиянын атаандашы Бразилия курамасы болмокчу. Бразилиялыктар чейрек финалдык оюнда Колумбияны 2:1 эсебинде утуп алышты.

Бул беттеш көпчүлүктүн купулуна толору күн мурунтан айтылып келген. Буга чейинки 4 беттешинде тең жеңүүчү аталган Колумбия өз үйүндө ишенимдүү ойноп жаткан Бразилияга каршы турду. Албетте, эки команда үчүн тең оюн оңой болгон жок. Майданда командалар тактикалык жактан мыкты жайгаштырылгандыктан, эки команда тең чабуулга багытталган оюн алып барды. Бул жагынан командалар жогорку ылдамдыктагы оюнду, командалык оюнду жана мыкты каршы чабуулдарды күйөрмандарга тартуулап беришти. Оюндун тагдырын жалаң стандарттык абалдар чечти. Алгач бразилиялыктардан Тиаго Силва бурчтан чыгарылган топту голго айландырса, Давид Луис айып соккусунда топко атаандаштын дарбазасынан орун алып берди. Оюндун жыйынтыкталарына аз калганда гана Колумбиянын лидери Хамес Родригес пенальтиден гол киргизип, оюндагы эсеп катыштыгын 1 голго жеткирди. Жалпысынан стандарттык абалдарды эске албаганда, майданда кайсы бир команданын оюндун жүрүшүнө көзөмөл кылганын айтуу кыйын.

Оюндан кийин Колумбиянын оюнчулары көздөрүнө жаш алып, мелдеш менен коштошушту. Өзгөчө Халкка карата эреже бузуп, 2-голдун кирүүсүн шарттаган айып соккусу үчүн өзүн күнөөлүү сезип калган Хамес Родригес (Колумбиянын лидери) шолоктоп жатты. Ага үйрүлө түшүп мамиле кылган бразилиялыктар сооротууга аракет кылышты.

Идеалдуу оюн деп эсептелген футболдун бир гана жаман жагы ушул, командалардын мыкты экенине карабай бири мелдеш менен коштошот. Андыктан жарым финалда Германияга каршы ойной турган Бразилияга ийгилик, ал эми үйүнө кете турган Колумбияга байсалдуу сапар кааламакчыбыз.

Автор: Максат Кудайбердиев
Фото: Интернеттен алынды

04:24 05-07-2014

Жазылуу

РУБРИКАДАГЫ СОҢКУ КАБАРЛАР

18:29 2025-05-08 | Маданият, шоу-бизнес

Реп-аткаруучу Улукманапо кырк жылкылуу болду 132 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 176 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 275 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 213 0

17:12 2025-05-08 | Коом жана турмуш

“Мектепке кириш, ооруканага баруу кыйын болуп калат” дейт 14 жаштагы Аруужан (видео) 468 0

16:47 2025-05-08 | Түркүн дүйнө

Абу-Дабиге дүйнөдөгү жетинчи Диснейленд паркы курулат (видео) 478 0

Архив

Комментарийлер (4)

lotte

2014-07-05 04:35:07

Германия менен жарым финалдык беттеште Неймардын оюнга чыгуусун кутобуз!!!

mr_baigazy

2014-07-05 04:56:44

Luisтин тепкен голу жакты, эн мыкты тепти.Неймарды майып кылмай болушту го байкасам?

Jakai89

2014-07-05 08:03:51

Калумбия ото кырам ойноду атайлап эле тээп 10- номердеги баланы ..кырам ойногонуна дагы кудайым жардам бербеди. А Бразилья ото жакшы ойноду Бразильяага ийгилик

nookat

2014-07-05 16:09:00

Колумбия жакшы ойноду 10 номердеги оюнчу жалко болду аябай жакшы ойнойт экен.....

Комментарий калтыруу үчүн өз ысымыңыз менен кириңиз же каттоодон өтүңүз.