Чек ара кызматы: "Кыргыз-тажик чек арасындагы жаңжалдын күчөп кетпеши үчүн Ак-Сай – Тамдык унаа жолу убактылуу жабылды"

Кыргыз-тажик чек арасындагы жаңжалдын күчөп кетпеши үчүн Ак-Сай - Тамдык унаа жолу убактылуу жабылды. Бул тууралуу бүгүн, 10-июлда КРнын Чек ара кызматынын басма сөз кызматы билдирди.

"Бүгүн Баткен облусунун Баткен районунун Тамдык тилкесинде орун алган атышуу тажик тарабынын укук бузуучу аракеттеринен башталган. Тажик чек арачылары Тажикстандын жарандарынын мыйзамсыз аракеттерине тоскоолдук жасаган кыргыз тарабына ок чыгарышкан" деп жазды мекеменин басма сөз кызматы.

Эскерте кетсек, бүгүн, 10-июлда түшкө маал кыргыз-тажик чек арачылары атышып кетишкен.

Автор: Нургазы Аматов