Архив
844   845   846   847   848   849   850  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ТОМУКТУН ЖАКШЫ ӨНҮКПӨЙ КАЛУУСУ ЖЕ ДИСПЛАЗИЯ

№849 8-14-февраль, 2019-жыл


«Дүйнө боюнча ар бир 100 баланын 30у кашка жиликтин башынын жакшы өнүкпөй калуусу (дисплазия) менен төрөлөт. Мындай көрсөткүч Кыргызстанга да тиешелүү. Тубаса дарт болгондуктан баланын минтип төрөлүп калуусуна көбүнчө энелер күнөөлүү. Анткени алар ооруса убагында көрүнбөйт, витаминдүү тамактар менен тамактанбайт» деп кейийт Эне жана баланы коргоо улуттук борборунун балдар ортопеди Анвар Халилов.

ДИСПЛАЗИЯ

Дисплазия – баланын ичте экенинде кашка жиликтин башынын, башкача айтканда, томуктун толук өсүп жетилбей калышы. Андай учурда кашка жиликтин башы жамбаш сөөккө туура бекибей, өз ордуна туура орнобой өйдө же бош орноп калат. Башкача айтканда, тубаса дарт. Муну ымыркай кезден дарылатып, айыктыруу зарыл.

БАШКЫ БЕЛГИСИ: БАЛА БУТУНУН УЧУ МЕНЕН ТУРАТ, БИР БУТУ КЫСКА

Баланын ата-энеси жана врач балада дисплазия бар экенин кантип аныктайт:

  • Колтугунан көтөрсө таманы менен эмес, бутунун учу менен турат;
  • Баланын бир буту экинчисинен кыскараак;
  • Бир санында экинчи санына караганда тери бүктөмү ашыкча;
  • Баланы көмкөрөсүнөн жаткырганда жамбашынын бир бөлүгүндөгү тери бүктөмдөрү экинчи бөлүгүндөгү бүктөмдөргө дал келбейт (асимметрия). Бул баланын 2-3 айында абдан даана билинет;
  • Баланы чалкасынан жаткызып, 2 бутун тизесинен бүгүп, анан эки жакка кергенде баланын бир таманынын(же 2 бутунун тең) столго тийбей калышы;
  • Баланы чалкасынан жаткызып, 2 бутун тизесинен жана жамбашынан бүккөндө “кырт» эткен үндүн чыгышы;
  • Буттун булчуңдарынын чыңалып турушу.

СЕБЕПТЕРИ

  • Кош бойлуу аялдын организминдеги гормоналдык бузулуу;
  • Түйүлдүктүн чарайна суусунун аз же түйүлдүктүн чоң болушу, мисалы, 3500 граммдан жогору (баланын жамбаш муундары аз кыймылдап, туура өнүкпөй калат);
  • Аялдын гинекологиялык оорулары (миома, жыныстык жактан жугуучу оорулар жана башка. Алар түйүлдүктүн кыймылдашын кыйындатат);
  • Түйүлдүктүн салмагынын аз болушу (2500 граммдан аз);
  • Ичте баланын жамбашы менен жатышы;
  • Кош бойлуу аялдын организминде витаминдердин, микроэлементтердин (өзгөчө кальций) жетишсиздиги.


ДИАГНОЗ

  • Жамбаш сөөктөрүн рентгенге тартуу;
  • Жамбаш сөөктөрүн УЗИге тартуу.


ДИСПЛАЗИЯНЫН 3 ДАРАЖАСЫ БАР


ДАРЫЛОО

Ортопеддин кеңештерин аткарып баланы толук дарылатса, анда кашка жиликтин жетилбей калган башы (томук) жетилет жана өз ордуна бекем орнойт.

  • Электрофорез (кальций менен). Бул процедура электр тогу менен дарылоого кирет. Кальций кашка жиликтин башына (томук) таасир этип, анда кандын жүрүшүн ылдамдатуу менен анын өсүүсүн камсыздайт.
  • Массаж
  • Парафин терапиясы
  • Дарылык гимнастика
  • Курамында кальций бар каражаттарды ичүү

Үйдө памперсти алмаштырган сайын буттарын 2 жакка керип туруу, сууда сүздүрсө да жакшы.

Ортопедиялык жабдыктар

1) Павликтин үзөңгүсү – бала үчүн эң ыңгайлуу жабдык. 3-9 айлык балдарга арналат.

2) Фрейктин жаздыгы Пластик жаздыктар 2 бутту эки жакка керип турат.

3) Виленский кергичи (шина).

Операция ыкмасы

Аталгандардын кайсынысын жана канча убакыт колдонуу керектиги дисплазиянын даражасына карата чечилет.


КЫЗДАР КӨП ТӨРӨЛӨТ

Баланын 1 бутундагы томугу же 2 бутундагы томугу тең жетилбей төрөлүүсү мүмкүн. Эгер убагында дарылатпаса томугу жетилбей калган буту кыска болуп, кийин аксап калат. 2 жагындагы томугу жетилбей төрөлсө кийин баланын басышы кыйындыкты туудурат, бат чарчап, буттары ооруйт.

Дисплазия менен балдарга караганда кыздар көп төрөлөт. Анткени табигат кыздардын сөөгүн эркектерге караганда ийкемдүү кылып жаратат (кийин эне болуп, төрөө үчүн). Эненин организминен бөлүнүп чыгуучу релаксин гормону уул балдарга караганда кыздар үчүн көп бөлүнүп чыгат.

БАЛДАРДЫ ОРТОПЕДГЕ БИР, ТӨРТ ЖАНА 6 АЙЫНДА КӨРСӨТҮҮ КЕРЕК

Балага 1 ай болгондо дисплазия бар же жок экенин тактатуу үчүн балдар ортопедине текшертүү кажет. Дисплазиянын бар экени билинсе дароо дарылатып баштоо зарыл. Дарылануу курсу бүткөндө рентгенге тарттырып, дарылоо натыйжасы кандай болгонун аныктатуу зарыл. Эгер дароо дарылатпаса жеңил түрү акырындап оор түрүнө өтүп кетип, дарылап айыктыруу кыйындайт.

Негизи эле ата-эне баласы оорубаса деле балдар ортопедине бир, төрт жана алты айында, 1 жашында сөзсүз көрсөтүүсү кажет. Ушул убактарда, мүмкүн, буга чейин билинбеген дисплазия же башка муун оорулары болсо так билинет.

Жаңы туулган баланын ден соолугу чың болгонуна карабай 2 айлыгында 10 күн массаж жасатуу сунушталат. Бул бут муундарынын жана бут булчуңдарынын туура өсүүсүнө шарт түзөт.

ДАРЫЛАТПАСА БАЛА АКСАК БОЛУП КАЛАТ!

Дисплазиясы бар баланы дарылатууда ата-эне эске алчу нерселер:

  • Дарылатуу аягына чыкпай калса, анда дарт оорлойт. Бул басыктын өзгөрүшүнө (майпаңдап же аксап басуу), муундун жакшы иштебей калышына, дайыма оорутуу менен коштолушуна алып келет. Акыры операция жасатууга туура келет.
  • Дарыланып жаткан бала өзү теңдүүлөрдөн кеч басат. Бирок ата-эне шашпай, баланын айыгып кетүүсүнө кам көрүүсү керек.
  • Ортопеддин уруксатысыз өз алдынча баланы бастырууга болбойт. Кашка жиликтин башын өөрчүтүп, ордуна келтирүүгө болгон аракеттер текке кетип калуусу мүмкүн.

Канымжан Усупбекова
densooluk@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
12.02.2019. 09:52 
Тайпасы:
Жаран
Комментарийлердин саны:
60
Катталган:
22-02-2011
Соӊку аракети:
13-02-2019 10:41
Жынысы:
Белгисиз
Калаасы:
Бишкек.
0
Бала 2-3 айга толгондо,алдын ала хирургга же ортопедге кайрылыш керек.Өз убагындакайрылса, бала айыгып кетет. Болбосо төкөр болуп калат.Рахмат Супер-инфо, эң керектүү маалымат үчүн.

12.02.2019. 11:08 
Тайпасы:
Конок
Комментарийлердин саны:
33
Катталган:
15-01-2019
Соӊку аракети:
22-02-2019 00:12
Жынысы:
Белгисиз
+2
Админ сураныч аутизм тууралуу кенен маалымат алып бериниздерчи. Кантип пайда болот себебин бааарын сурап маалымат алып жазыныздарчыыыыыы!
12.02.2019. 11:46 
Тайпасы:
Супермодератор
Комментарийлердин саны:
8195
Катталган:
19-11-2013
Соӊку аракети:
21-02-2019 12:09
Жынысы:
Белгисиз
+1
Eliza1991, саламатсызбы! Төмөнкү шилтеме аркылуу кирип окусаңыз болот:
https://www.super.kg/article/show/29911
https://www.super.kg/article/show/44127
Модератор admin_portal түзөттү 2019-02-12 11:47:17
12.02.2019. 11:29 
Тайпасы:
Жаран
Комментарийлердин саны:
19
Катталган:
01-01-2015
Соӊку аракети:
17-02-2019 12:42
Жынысы:
Белгисиз
Калаасы:
Бишкек
0
чонойгондо остуруш мумкун эмеспи 18-20 жашта?
12.02.2019. 16:27 
Тайпасы:
Конок
Комментарийлердин саны:
6
Катталган:
14-12-2018
Соӊку аракети:
21-02-2019 23:08
Жынысы:
Белгисиз
+1
Менин балам торолгондо дисплазия деген диагноз койгон хирург бир айында тынбай 1жыл массаж жасагам невролог врачка массаж жасаткам физиотерапия алганбыз 1жаш,3айында баскан азыр 6,5жашта чуркап ойноп журот убагында конул буруп карагам
13.02.2019. 21:25 
Тайпасы:
Жаран
Комментарийлердин саны:
19
Катталган:
29-01-2014
Соӊку аракети:
21-02-2019 18:31
Жынысы:
Белгисиз
Калаасы:
j
0
Админ, гидронефроз жонундо да кээнен маалымат алып бериниздерчи сураныч?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21873;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: