Бишкекте журналисттер жана активисттер Журналисттер аллеясына көчөт отургузуп, бактарды акташты

Бүгүн, 25-апрелде Бишкектеги Журналисттер аллеясында ишембилик орун алды. Жаш активисттердин демилгеси менен уюшулган иш-чарага журналисттер, коомдук ишмерлер, ЖКнын депутаттары, шаар мэри жана КРнын Саламаттыкты сактоо министри катышты. Уюштуруучулар кабарлашкандай, чогулгандар 100 көчөт отургузуп, жол жээгиндеги бактарды актап, аллеянын ичин таштандылардан арылтышты.

Маалым болгондой, шаардын аймагында ишембилик өткөрүү эстафетасын КРнын Саламаттыкты сактоо министри Талант Батыралиев алды. Мунун белгиси катары активисттердин колунан шыпыргы алган министр жакында өлкө аймагындагы ооруканаларда ишембилик өткөрүлөрүн айтты.

Автор: Максат Кудайбердиев
Фото: Уюштуруучулардыкы