Кыргызстан дүйнөдөгү экономикасы эң тез өсүп жаткан өлкөлөрдүн катарына кирди

Мурдагы премьер-министр Темир Сариев социалдык тармактагы баракчасына жазгандай, Эл аралык валюта фондунун (ЭВФ) болжолуна ылайык, Кыргызстан 2026-жылы экономикалык өсүш темпи боюнча дүйнөлүк рейтингде 5-орунду ээледи.

Анын маалыматына караганда, дүйнөлүк экономиканын өсүшү 2026-жылдын жыйынтыгы боюнча 3,1 пайызды түзөрү күтүлүүдө.

Экономикалык өсүш боюнча алдыңкы орундарда Азия жана Африка өлкөлөрү турат. Ал эми биринчи орунга Түштүк Америкадагы Гайана өлкөсү чыгып, анын ИДПсы 22,3 пайызга өсөрү болжолдонууда. Тайвандын экономикасынын өсүшү 10,7 пайыз деңгээлинде күтүлүүдө.

Ошондой эле экономикалык өсүшү жогору өлкөлөрдүн катарына Түштүк Судан, Эфиопия, Руанда, Вьетнам жана Өзбекстан кирген.

Автор: Айзада Кыдырмышева