Өлкөдө жеңилдетилген ссудага муктаж 9354 үй-бүлө бар

Кыргызстанда жаратылыш кырсыгынан жабыркаган үй-бүлөлөргө жеңилдетилген ссудаларды берүү үчүн 1,8 миллиард сом керек. Бул тууралуу бүгүн, 28-февралда Курулуш жана аймактык өнүктүрүү боюнча мамлекеттик агенттиктин башчысынын орун басары Турдубек Мамбетов агенттиктин коллегиялык жыйынында билдирди. "Бүгүнкү күндө Кыргызстанда жаратылыш кырсыгынан жабыркаган жана жеңилдетилген ссудага муктаж болгон 9354 үй-бүлө бар. Болжол менен аларга 1 миллиард 841 миллион сом керек болот",- дейт Мамбетов.

Автор: Гүлмайрам Сабырбекова