ЖЫЛНААМА, 22-МАРТ: Мындан 15 жыл мурун “Том жана Жерри” мультсериалынын башкы каармандары Том менен Жерринин "атасы" атыккандардын бири Уильям Ханна каза тапкан

Мындан 15 жыл мурун, 2001-жылы 22-мартта америкалык мультипликатор Уильям Ханна 90 жашында Лос-Анжелесте каза тапкан.

Уильям Ханна менен америкалык аниматор Жозеф Барбера “Том менен Жерри” мультсериалынын башкы каармандары Том менен Жерринин "аталары" катары белгилүү болушкан. “Том менен Жерри” мультсериалы 1940-жылдан бери экрандан түшпөй келген. Томдун 1-сериядагы аты Жаспер, Жерриники Жинкс болгон. Кийин гана персонаждардын атын өзгөртүшкөн. Мультфильмдин күйөрмандарынан келген каттарга ал кезде аты чыга элек актёр Жек Николсон жооп берип турган.

2001-жылы Уильям Ханна каза болсо, 2006-жылы Жозеф Барбера көз жумуп, бирок алардын сериалы узак убакытка шедеврге айланган.

22-марттын жылнаамасы.

Автор: Гүлзат Мамытканова