ЖЫЛНААМА, 9-АПРЕЛЬ: Белланын ролу менен белгилүү болгон америкалык актриса Кристен Стюарт 26 жашка толду

1990-жылы 9-апрелде америкалык актриса Кристен Стюарт жарыкка келген. Ал АКШнын Калифорния штатындагы Лос-Анжелес шаарында туулган. Кристен Стюарттын таланты бала кезинен билинип, 8 жашынан баштап тасма талаасына аралаша баштаган. Алгачкы эң чоң ролу голливуддук Дэвид Финчердин "Коркунуч бөлмөсү" ("Комната страха") тасмасында 2002-жылы болгон. Андан соң актрисага удаасынан сунуштар түшүп, ал дүйнөгө белгилүү режиссёрлор менен иш алып барган. Актрисага атактуулукту "Күүгүм" тасмасы алып келген. Бул тасмада ал Белланын ролун жараткан.

2013-жылы белгилүү "Forbes" журналы Кристен Стюартты Голливуддагы Анжелина Жоли, Женнифер Лоуренстен кийинки эң көп гонорар төлөнгөн актриса деп атаган.

9-апрелдин жылнаамасы.

Автор: Максат Кудайбердиев