Орусиянын Депортация борборунда марттан бери отурган кыргыздар бар

Орусиянын Приморск крайындагы мигранттар тобу өлкөдөн чыгаруу жараянын создуктуруп, Депортация борборунда күттүрүп жаткандарга нааразылыгын билдирүү үчүн төрт күндүк ачкачылык акциясын өткөрүштү. Бул тууралуу бүгүн, 19-августта "Интерфакс-Казакстан" маалымат агенттиги билдирди.

Жергиликтүү Коомдук байкоочу комиссиянын маалыматы боюнча, шаардагы Депортация борборунда жүздөгөн кишилер кезегин күтүп жатышат. Алардын арасында Казакстандын, Кыргыз Республикасынын, Тажикстандын, Өзбекстандын, Азербайжандын, Украинанын жана Кытайдын жарандары бар.

Байкоочу комиссиянын төрагасынын орун басары Александр Смышляев борбордон жамааттык даттануу келип түшкөнүн, ага жүзгө жакын адам кол койгонун билдирди. Анын айтымында, ачкачылык жарыялоо акциясына 20 киши катышкан, бирок комиссия өкүлдөрү борборго баргандан кийин ал аягына чыккан.

"Марттан бери депортацияланышын күтүп жаткан адамдар бар. Алардын айтымдарында, акыркы үч айдын ичинде эч ким үйүнө кеткен эмес", - деди Александр Смышляев.

Депортация борбору адамдарга ашыкча толгонун жана алар андагы шарттарга нааразы экенин кошумчалады.

"Борбордо төшөнчү, шейшеп, дары-дармек жетишпейт, кызматкерлердин аздыгынан улам алар сейилдөөгө чыгарылбайт", - дейт Александр Смышляев. Анын айтымында, Депортация борборунда 65 киши болуш керек болсо, учурда анда 100дөн ашык киши кармалып турат. Камакта отургандардын арасында 4 аял бар.

Автор: Аскат Сабыров
Фото: Интернеттен алынды

17:59 19-08-2016

Жазылуу

РУБРИКАДАГЫ СОҢКУ КАБАРЛАР

11:38 2025-05-15 | Коом жана турмуш

Баткенде желим идиштер чыгарыла баштады (фото) 23 0

11:22 2025-05-15 | Саясат

Илим министринин милдетин аткаруучу Бактияр Орозовдун өмүр баяны 201 0

11:12 2025-05-15 | Коом жана турмуш

"Чүйдүн талааларын чегиртке каптап жатат" деген видео тарады (видео) 210 0

10:56 2025-05-15 | Кылмыштар, кырсыктар

Маркум Көлбаевдин кылмыштуу тобун каржылаган деп казак ишкерине издөө жарыяланды 303 0

10:53 2025-05-15 | Түркүн дүйнө

Блогер Гусейн Гасанов ага издөө жарыялангандыгы тууралуу маалыматка үн катты 622 0

10:45 2025-05-15 | Коом жана турмуш

Нарындагы жер титирөө: Ак-Талаада дагы 21 үйдө жарака кеткени аныкталды 187 0

Архив

Комментарийлер (5)

tyrgon

2016-08-19 19:06:29

Туугандары тааныштары билет сатып алп келсе самалетко салп жиберет экен билети жоктор болсо отура берет экен оз озунан уккам фмстин

Medina87

2016-08-20 02:54:14

tyrgon
Кайсы ФМСтин оз оозунан уктун эле?
Тактап айта аласынбы?

semo

2016-08-19 22:00:06

Кайсы жерде екен мен приморскийдемин го толук маалымат берип койунуздарчы

Rasul.199101

2016-08-20 03:35:43

ФМСке барып соту болгон жерин сурап ошол жерден паспортунун кочурмосун алып белет алса болот аэропортко чейин оздору кошулуп барып самолётко чыгарып койушат

nazira1989

2016-08-20 07:20:02

Супердин жамааты черный список боюнча так маалымат берип койгулачы,мени эч эле списоктон чыгарбай койду да.Жоюлду деп эле угам,элдер чыгыптыр деп эле угам го.

Комментарий калтыруу үчүн өз ысымыңыз менен кириңиз же каттоодон өтүңүз.