3-8-сентябрда Балыкчы-Ананьев-Каракол жолунда айрым унаалардын жүрүшүнө чектөө киргизилет

Үстүбүздөгү жылдын 3-сентябрынан 8-сентябрына чейин Ысык-Көл облусунун Чолпон-Ата шаарында, Булан-Сөгөтү айылында жана Семёновка айылында жайгашкан "Кырчын" этнографиялык шаарчасында II Дүйнөлүк көчмөндөр оюндары өтөрү маалым.

"Бул иш-чараларга байланыштуу ушул күндөрү Балыкчы-Ананьев-Каракол унаа жолунда оор жүк ташуучу, жүк ташуучу, автобус, кичи автобус, коркунучтуу жүк ташуучу унаалардын жана айыл чарба техникаларынын жүрүшүнө чектөө киргизилет", - деп билдиришти Ички иштер министрлигинин Патрулдук милиция башкы башкармалыгынан.

"Жергиликтүү калкка киргизилип жаткан чектөөлөргө түшүнүү менен карап, ал эми айдоочуларга күнгөй маршруту, Балыкчы-Бөкөнбаев-Каракол жол каттамы аркылуу сапарга чыгууну сунуш кылабыз", - деп кошумчалаган башкармалык.

Автор: Үмүт Абдраимова
Фото: КР ИИМ ПМББ