Кара-Суу. Мамажан айылында мүрзөдөгү маркумдардын сөөктөрүн жеп жаткан чөөлөрдү жок кылуу аракеттери көрүлүүдө

Ош облусунун Кара-Суу районунун Мамажан айылында мүрзөлөрдү казып, маркумдардын сөөктөрүн жеп жаткан чөөлөрдү жок кылуу аракеттери көрүлүүдө. Бул тууралуу бүгүн, 16-сентябрда Жоош айыл өкмөтүнүн башчысы Жылдызбек Тиллебаев билдирди.

"Чөөлөрдүн пайда болгонуна бир жума болду. Туура, чөөлөр көбөйүп кетти. Бул боюнча Ош облустук айлана-чөйрөнү коргоо кызматына кайрылганбыз. Азыркы убакта атайын мергенчилер тобу түзүлүп, түнкүсүн чөөлөрдү аңдуу иштери жүрүп жатат. Чөөлөр күндүз мүрзөгө жолобойт экен. Түнкүсүн тузак салып, атып алууда кыйынчылык жаралууда", - деп билдирди Тиллебаев.

Буга чейин Мамажан айылында чөөлөр мүрзөлөрдү казып, маркумдардын сөөктөрүн жеп жаткандыгы тууралуу маалымат тараган. Топтошуп жүргөн чөөлөрдөн таң эрте окуучулар мектепке баруудан кооптонуп жатканы айтылган.

Окуучулар мектепке барууда кооптонуу жаралып жаткандыгы тууралуу маалыматты Жоош айыл аймагынын башчысы четке какты.

"Мамажан айылында 500 кожолук эл жашайт. Эл көп болгондуктан, чөөлөр айылга жолой албайт. Алар күндүз жүрбөйт. Ал эми мүрзө айылдын четинде. Окуучулардын кооптонуп жатканы жөнүндө айтылган маалымат жөндүү эмес, анткени мектеп айылдын ичинде, мүрзө айылдын четинде. Окуучулар мектепке мүрзөнүн жаны менен барышпайт", - деп кошумчалады Тиллебаев.

Ал эми Кара-Суу райондук ветеринардык жана фитосанитардык коопсуздук боюнча башкармалыгынын башчысы Арстанбек Сулайманов: “Биздин адистер Мамажан айылына барып келишти. Эч кандай мал жандыктарына тийген эмес.Чөөлөр оору таркатуучу жаныбар болгондуктан, белгиленген тартипте мал жандыктарын дарылап турабыз. Кооптоно турган коркунуч жок”, - деп билдирди ал.

Автор: Акназар Сулайманкулов

15:27 16-09-2016

Жазылуу

РУБРИКАДАГЫ СОҢКУ КАБАРЛАР

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 133 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 288 0

20:22 2025-05-14 | Түркүн дүйнө

Назарбаевдин басма сөз катчысы экс-президенттин жубайынын өлүмү тууралуу кептерди четке какты 390 0

19:50 2025-05-14 | Саясат

Депутат Алымбек датканын чөбүрөсү Кыргызстандын жарандыгын ала албай жатканын айтты (видео) 502 0

19:21 2025-05-14 | Коом жана турмуш

Садыр Жапаров кыргыз менен казакка кайрылуу жасады 1527 0

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 317 0

Архив

Комментарийлер (8)

omka100514

2016-09-16 15:59:18

Мамажанда беш жүздөн да көп эл жашаса керек, мектеби чындап эле айылдын ортосунда, бирок ошол четинде мүрзө жакта жашагандар кооптонсо керекта, тезирээк атып жок кылбаса алар кечинде жалгыз жүргөн адамга деле атака кылышы толук мүмкүн

Isken.der

2016-09-16 16:09:42

omka100514, Кожолук деген адамдын саны эмес. Үй-бүлөнүн(түтүн) саны.

anash

2016-09-16 17:26:36

Omka100514.mamahandasynby?

freedom11

2016-09-17 00:25:50

mamajanga uchilwadan okuuchular barat sai aralap owol korkunuchtuu aiyl okmot aita beriptir koopsuz dep

Zarbalik87

2016-09-17 00:51:03

Эртереек жок кылбаса мүрзөгө жакын жашагандарга өтө коркунучтуу түндөсү жалгыз жүргөн болбойт эртереек чара көргүлө.

Gul.08

2016-09-17 04:44:28

Чообору эн жаман жаныбар этият болгула

stepboy

2016-09-17 06:46:16

Менин айылым го

stepboy

2016-09-17 06:46:50

90чу жылкы досторум атып жок кылгыла

Комментарий калтыруу үчүн өз ысымыңыз менен кириңиз же каттоодон өтүңүз.