Декларация: Бишкек мэри Албек Ибраимовдун 29 жер тилкеси бар

Бишкек мэри Албек Ибраимовдун 29 жер тилкеси бар. Бул маалымат анын 2015-жылга карата берген декларациясында белгиленген. Бул декларация Мамлекеттик кадр кызматынын расмий интернет-сайтында жайгаштырылды. Кой-Таш айылында президент Алмазбек Атамбаев үй куруп жаткан жер тилкесине байланыштуу чуу чыкканда мэрдин декларациясы күтүүсүз жоголуп кеткени айтылган эле. Эми кайрадан жарыяланды.

Маалыматка ылайык, Ибраимов 2015-жылы айыл чарба продукцияларын сатуудан 3 миллион сом киреше тапкан, ал эми негизги жумушунан жалпысынан 765 533 сом айлык алган. Ошондой эле ал былтыр 33 миллион сомго жер тилкесин саткан. Мындан тышкары декларациясында Ибраимов жеке унаасы жана турак жайы жок экенин жазды. Талапка ылайык, 2015-жылы тапкан кирешелерин юридикалык жактар 2016-жылдын 1-мартына чейин, жеке жактар 1-апрелине чейин декларациялашкан.

Мамлекеттик кадр кызматынын басма сөз кызматынан SUPER.KG порталына билдиришкендей, Албек Ибраимов 2015-жылы тапкан кирешелери боюнча декларациясын өз убагында тапшырган. "Албек Ибраимов 2016-жылдын февраль айында Бишкек мэри болуп шайланган. Мындан улам ал, мыйзамга ылайык, 30 күн ичинде декларацияны тапшырышы керек болчу. Ал өз убагында тапшырган. Учурда расмий сайтыбызга декларацияларды киргизүүнү улантып жатабыз", - дешти мекемеден.

Айта кетсек, Жогорку Кеңештин депутаты Өмүрбек Текебаев 2015-жылы Албек Ибраимовдун жубайы Кой-Таштагы 2,7 гектар жер тилкесин президент Алмазбек Атамбаевге 33 миллион сомго сатканын билдирген.

Автор: Нургазы Аматов

09:52 21-09-2016

Жазылуу

РУБРИКАДАГЫ СОҢКУ КАБАРЛАР

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 133 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 288 0

20:22 2025-05-14 | Түркүн дүйнө

Назарбаевдин басма сөз катчысы экс-президенттин жубайынын өлүмү тууралуу кептерди четке какты 390 0

19:50 2025-05-14 | Саясат

Депутат Алымбек датканын чөбүрөсү Кыргызстандын жарандыгын ала албай жатканын айтты (видео) 502 0

19:21 2025-05-14 | Коом жана турмуш

Садыр Жапаров кыргыз менен казакка кайрылуу жасады 1527 0

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 317 0

Архив

Комментарийлер (11)

diaz

2016-09-21 12:19:35

жарылып олбогуло

-1

kubat_73

2016-09-21 12:37:02

diaz,Кой антпе мындайлардын баары жарылып олсо президент премьер депутат губернатор мэрлерсиз калабыз куурап

-3

futboler

2016-09-21 13:16:08

kubat_73,мынча жер менен урпактарына чейин мэр болчудай го

Krai

2016-09-21 19:21:14

futboler,Бул да болсо Атамбаевдин кадры

Sharos3

2016-09-21 16:59:44

Айнеске

Izdeim_seni.

2016-09-21 13:52:49

Олуп кетишеби ушу чондор. Эл тоокана салганга жери жок

Kroxa

2016-09-21 14:37:12

Турак жайы жана жеке унаасы жок тура байкушка минип жургон унаасы менен уйу мамлекеттики болсо керек,,аны да менчикке чыгарып бергиле бул куурагыр мэрге кайрымдуулук кылып койгула!!:-):-):-)

Abdurahman

2016-09-21 14:48:15

"Мындан тышкары декларациясында Ибраимов жеке унаасы жана турак жайы жок экенин жазды." -Ушул жери окшошпой калыптыр

Sharos3

2016-09-21 17:01:38

Abdurahman, ооба окшобой калыптыр.
Кичине уялып койбойбу десен

yasmina_kg

2016-09-21 15:39:04

9 калтырып 20 уйу жок жетим жесирге берсе кандай сооп табат эле.Бизде сооп коп бирок жасбайбыз Индияга барган дабатчылар индия элин кечке иштеп озу ачка болсо да ошо кунку тапканына тамакалып келишип соопчулука жеп коюнузчу деп жалдырап суранышат дейт деп тан калып келишкен.Алар соопчулукту биринчи орунг коюшат.Канча сооп кылсан ошончо кунон кечирлет.

Kroxa

2016-09-24 00:17:54

29 жер тилкесинин кичинеси 1жарым гектар чону 7 гектар болсо текебаев айтаандай бишкектин бир болугун ээлеп алган го бул мэр,качан жетишип журот,элде бироо да жок...

Комментарий калтыруу үчүн өз ысымыңыз менен кириңиз же каттоодон өтүңүз.