Бишкек. Кыргыз тилине кайдыгер карагандар, ката жазылган жарнамалар

Бүгүн, 23-сентябрда "Мамлекеттик тил жөнүндө" мыйзамдын кабыл алынганына 27 жыл болду. Кыргыз тилинин мыйзамынын кабыл алынган күнүнө карата өлкөнүн бардык аймактарында түрдүү иш-чаралар өткөрүлдү. Айрым аймактарда тилди даңазалап, барктап, баалап, тилибиз гүлдөп-өнүгүп жаткандай түр көрсөтүлдү. Борбор калаада да калың элди чогулткан маданий иш-чара өттү.

Бул күнү атайын шаар кыдырып, андагы көрнөк-жарнактардын жазылышы менен таанышып чыктык. Албетте, кыйма-чийме унаалар, жык-жыйма адамдар жүргөн аймактарда жарнамалоо кызуу жүрөт. Бул үчүн адамдар көп жүргөн тарапка бет алдык.

Калаанын Бейшеналиева көчөсүн аралап баратып ар бир соода түйүнүнүн алдынан орус тилинде илинип турган жарнактарга күбө болдук. Жарнаманын баш жагына кыргызча, ылдыйкы саптарына орусча жазылгандары жок эмес. Ал эми аялдамаларда, көп кабаттуу үйлөрдүн дубалдарына жармаштырылган жумушка чакырып, жумуш берген жарнамалардын көпчүлүгү орус тилинде экенин байкадык.

Мындан сырткары белгилүү компаниялардын дареги жазылган тактайчадагы жазууларда ката бар. Ал тургай суусундук саткан компаниялардын биринде сатылуучу суу идишинин сыртындагы жазуулар ката менен жазылган.

Эске салсак, 1989-жылдын 23-сентябрында Кыргыз ССРинин Жогорку Кеңеши “Кыргыз ССРинин мамлекеттик тили жөнүндө” мыйзам кабыл алып, кыргыз тили өлкөдө "мамлекеттик тил" деген макамга ээ болгон.

Автор: Акназар Сулайманкулов
Фото: Акназар Сулайманкулов

17:41 23-09-2016

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (5)

Мэри

2016-09-23 18:46:34

Кыргыз тилинин түшүндүрмө сөздүгү
кайдигер
1. Жөнөкөй, кандайдыр бир кызыкчылыгы, тиешеси жок, жайынча.
2. Кош көңүл, көңүл кош, кызыгуусу жок, салкын.

-9

Мэри

2016-09-23 18:47:14

Кыргыз тилинин орфографиялык сөздүгү (Карасаев)
кайдигер

make2

2016-09-23 22:57:11

Кайдигер киргизчеси, кыргызча кайдыгер

tolik

2016-09-24 01:42:38

Кыргызчалап сүйлөп койсок бирөөбүз,
Орусчаны билбейт го деп күлөбүз.
Оо кыргызым эне тилди баалабай,
Эмнебизге кыйын болуп жүрөбүз?...

elifnur

2016-09-24 16:17:55

Эне тилин кемсинтип чангандарды,
Эне тилде ашатып сөккүм келет.

Комментарий калтыруу үчүн өз ысымыңыз менен кириңиз же каттоодон өтүңүз.