Индияда 15 долларга сатылып алынган мектеп окуучусу кожоюндарынан качып кетти

Индияда 15 долларга сатылып алынган 11 жаштагы мектеп окуучусу кожоюндарынан качып кеткен. Бул тууралуу чет элдик басылмалар жазып чыгышты.

Маалыматтарда 7-класста окуган өспүрүм кыз Тамилнад штатындагы Тируварур айылында чоң ата, чоң энеси менен жашаганы айтылат. Кыздын ата-энеси наристе төрөлөрү менен андан баш тартышкан. Бирок бир күнү алар кыз окуган мектепке барышып, айылдан 300 чакырым алыста жайгашкан Тамбарам шаарына алып келип, бай тааныштарына сатып жиберишет. Окуучу кыз эртеден кечке үй жумуштары менен алек болгон, бирок ага тамак бербей, акча төлөбөй коюшкан. Ал бир күнү баары уктап жатканда үйдөн качып чыгып, элден жардам сураган. Ал эми туристтик борбордун кызматкери болгон кыздын ээси полицияга келип, алыскы тууганы жоголуп кеткендиги жөнүндө маалымдаган.

Учурда кыз мамлекетттик баш калкалоо жайында. Ал эми анын мурунку кожоюнуна кулчулукка сатуу боюнча күнөө тагылган.

Белгилей кетсек, балдарды уурдап кетүү жана аларды сатып жиберүү Индияда көп кездешет. Расмий маалыматтарга караганда, 2015-жылы кулчулукка сатуу боюнча кылмыштардын саны өскөн, алардын 43 пайызы жашы жете элек өспүрүмдөр. Жаш балдарды өз кызыкчылыктарына пайдаланып, сойкулук менен алектенүүгө мажбурлашат же үйдөгү кул катары кармашары айтылат.

Автор: Турсунай Алымкулова

09:47 27-09-2016

Жазылуу

РУБРИКАДАГЫ СОҢКУ КАБАРЛАР

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 133 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 288 0

20:22 2025-05-14 | Түркүн дүйнө

Назарбаевдин басма сөз катчысы экс-президенттин жубайынын өлүмү тууралуу кептерди четке какты 390 0

19:50 2025-05-14 | Саясат

Депутат Алымбек датканын чөбүрөсү Кыргызстандын жарандыгын ала албай жатканын айтты (видео) 502 0

19:21 2025-05-14 | Коом жана турмуш

Садыр Жапаров кыргыз менен казакка кайрылуу жасады 1527 0

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 317 0

Архив

Комментарийлер (5)

yrchy_jigit

2016-09-27 10:41:38

ХХХ,бай таанышына 15долларга сатыпбы?

admin_portal

2016-09-27 12:12:52

yrchy_jigit, этика нормаларын сактаңыз!

omka100514

2016-09-27 11:53:17

иий үйлөрүн лөлүлөрдөй эле жашашатго, кызык ата-энеси наристелүү болсо эле баш тартып өзүнүн кызынан, эми колундагысы да чоңойуп калганда дагын төрөсү бул баласын да сатып жиберишсе керек төрөдүмго деп

AIZAD

2016-09-27 12:00:35

Индияда кыз баланын баркы жок, аны кийин куйоого бериш учун калын бериш керек , эркек бала уйго калын алып келет. Ошол себептуу кыздарын сатышат же таштап кетишет окшойт го...

simone

2016-09-27 15:02:25

Тооба деп жашайлы Кыргызстан Эли....

Комментарий калтыруу үчүн өз ысымыңыз менен кириңиз же каттоодон өтүңүз.