Материалдык резервдер фонду кампадан курттаган ун табылганы тууралуу маалыматты четке какты

Мамлекеттик материалдык резервдер фондунда курттаган ун табылган жок. Бул тууралуу бүгүн, 4-октябрда маалымат жыйынында Мамлекеттик резервдер фондунун төрагасы Жоомартбек Жумабеков билдирди.

"Буга чейин Жогорку Кеңештин депутатынын "унда курт жүрөт" деген айыптоолорунун негизинде Саламаттыкты сактоо министрлигинин жана Айыл чарба, тамак-аш жана мелиорация министрлигинин лабораториясы текшерип, адамга зыяндуулугу жок экенин, ундан курт табылбаганын тастыкташты. Алар "талапка жооп берет" деген жыйынтык чыгарышты", - деп билдирди Жумабеков.

Эгерде фонддун кампасындагы ундан курт табылып, адамдарга зыян алып келсе, анда жоопкерчиликти өз моюнуна аларын айткан төрага эки министрликтин лабораториясынын чыгарган чечимине таянарын билдирди.

"Ундан курт чыкты" деген маалыматтарды буга чейин өз жумушун толук кандуу аткара албай жумуштан алынган кызматкерлер чыгарып жатышат. Биз эфирлерден берилип жаткан, маалымат булактары тарабынан жазылып жаткан материалдар боюнча тийиштүү кызматтар менен байланышып, материалдардын калп же чын экенин тактоосун суранабыз", - деп кошумчалады Жумабеков.

Эске салсак, Мамлекеттик резервдер фондунун төрагасы Жоомартбек Жумабековго "кызматтагы өз милдеттерин жеткиликтүү аткарган эмес" деген айып менен сөгүш берилген.

Автор: Акназар Сулайманкулов
Фото: Акназар Сулайманкулов

15:02 04-10-2016

Жазылуу

РУБРИКАДАГЫ СОҢКУ КАБАРЛАР

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 380 0

16:39 2025-05-14 | Коом жана турмуш

Таласта айрым дарыяларда балык уулоого убактылуу тыюу салынды 193 0

15:44 2025-05-14 | Коом жана турмуш

Депутат Кой-Таш окуясында жабыркаган генералдын пенсиясын көтөрүүнү сунуштады (видео) 604 0

15:34 2025-05-14 | Коом жана турмуш

Түрк тили күнүнө карата Кыргызстанда түрк ырларынын сынагы өттү (сүрөттөр) 178 0

15:29 2025-05-14 | Коом жана турмуш

15-майга карата аба ырайы 354 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 517 0

Архив

Комментарийлер (1)

gul3ina

2016-10-04 21:31:59

Артын тазалашты да э.Откондо Акундан ун алганбыз 1 чакага жетип жетпей таза экен калганы бут курттап кетиптир.нандын ачуусу укмуш эми жегенге болбойт.Айла жок токтук.

Комментарий калтыруу үчүн өз ысымыңыз менен кириңиз же каттоодон өтүңүз.