Сузакта ачуу калемпир өстүргөн дыйкан түшүмүн Түркияга экспорттойт

Кыргыз эли "эр эмгегин жер жебейт" деген накыл кепти айтып келет. Канчалык мээнет кылып маңдай тер төксөң, анын акыбети кайтып, тапканың таттуу болот. Тилекке каршы, эл арасында оңой акчага азгырылып, башкалардын эмгегине көз арткандар, арам акча таап үй-бүлөсүн баккандар да жок эмес. Ошентсе да эл ичинде ак эмгеги менен акча таап, коомго үлгү болгондор басымдуулук кылат. Алардын катарын Сузак районунун Барпы айыл аймагында дыйканчылык менен алектенген Бакай Алиев толуктайт. Ал жетишкен ийгиликтери жөнүндө SUPER.KG порталына айтып берди.

Дыйкан быйыл 1 гектар жерге ачуу калемпир эгип, 6-7 тонна калемпир терип алган. Ал эми 20 сотых жерге помидор отургузуп, 10 тоннадан ашуун түшүм алган. Ошондой эле бадыраң өстүрүп, андан 2 тонна бадыраң жыйнап алганын айтты. Калемпирди сарайга, үйдүн чатырына жайып кургатарын кошумчалады.

"Өндүргөн калемпирди Түркияга сатууну пландап жатам, анткени алар мага кардар болуп, мен каалаган суммага сатып алганы жатышат. Калемпирге эч кандай химикат кошулмасы чачылган эмес. Германиянын технологиясы менен өстүрдүм. Быйыл Түркиядагы ишкерлер 1 килограмм калемпирди 20 сомго баалап жатышат. Бул сумма мага туура келди", - деди Алиев.

Чарба иштери менен алектенген дыйкан 5 гектар жерди ижарага алган. Жер иштетүү үчүн 70 миң сомдон ашуун чыгаша кылган. Ал эми орточо 400 миң сомдон ашуун киреше тапкан. Дыйкан тапкан кирешесинен аз камсыз болгон, ден соолугунун мүмкүнчүлүгү чектелгендерге жардам катарында бөлүп берет.

Автор: Акназар Сулайманкулов
Фото: Бакай Алиев

14:06 06-10-2016

Жазылуу

РУБРИКАДАГЫ СОҢКУ КАБАРЛАР

15:29 2025-05-14 | Коом жана турмуш

15-майга карата аба ырайы 61 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 245 0

14:48 2025-05-14 | Саясат

"Бөрк ал десе, баш алгандар". Депутат Алайдын 3 айылында үйлөрдүн 90-95 пайызы бузулуу алдында турганын айтты 349 0

14:32 2025-05-14 | Коом жана турмуш

Чукул билдирүү! Өлкөдө жакынкы күндөрү күн катуу ысыйт 395 0

14:30 2025-05-14 | Кылмыштар, кырсыктар

Милиция Бишкектеги өспүрүмдү сүзүп качкан жигит кармалганын билдирди 381 0

14:13 2025-05-14 | Саясат

Депутат "Таш-Көмүрдө тазаланбаган суудан улам оорулар көбөйүүдө" дейт (видео) 234 0

Архив

Комментарийлер (7)

Arslan12

2016-10-06 14:25:07

Балли азамат, тилегине жет!

ALATOOLUK.JIGIT

2016-10-06 15:23:31

Суу гана проблема да,болбосо калемпир 5 жыл алдын ич куйгузгон.

nurikkg1

2016-10-06 15:46:32

туркияга сатпай аджика жасап сатса болбойбу

-4

Munar8625

2016-10-06 16:58:26

озу билет емне кылышты

tashi62

2016-10-06 17:40:19

Азамат эмгегиңдин үзүрүн көр.

alina79

2016-10-06 23:09:50

Бул эмне деген 1кг 20сом.Москвада Теплый стан деген базарда 4шт калемпирди 20рубльга алдык.20сом 1кг ото эле арзан да жай бою иштеген мээнетин да актабайт.Ай байкуш дыйкандарым,ушентип эмгек кылып тушумун алса,аны кымбатыраак сата албайт.

Keremet008

2016-10-07 11:12:22

кымбат албай чиритип кууратышат да акчасы барлар. Эч бир мээнетти билишпейт оңой эле өсүп жетилип балдарга жаман көрүнүп үзүшүп койгула дебей эле өзү эле жайылып калгандай элестетишет. аджиканы ар ким өз табитине жараша жасап алышат да бизде кыргыздар онукпой атсак кайдагы аджика. кулпунайды россияга өткөрө алышпай артка кайтты го антип банкрот болгондор толтура

Комментарий калтыруу үчүн өз ысымыңыз менен кириңиз же каттоодон өтүңүз.