Ала-Бука районунун акими: "Алтын казган "Фулл Голд Майнинг" компаниясында жумуш токтогон жок"

Ала-Бука районунда алтын казган "Фулл Голд Майнинг" компаниясында жумуш токтогон жок. Бул тууралуу бүгүн, 11-октябрда SUPER.KG порталына Ала-Бука районунун акими Сонунбек Акпаралиев билдирди.

"Элдин нааразычылыгы боюнча маселе чечилди. Жумушчулар менен жолугушуп, үнүн угуп келдим. Алардын арасында элди кайраштыргысы келген Чаткал районунан келип иштеп жаткан 4-5 адам бар экен. Анан, албетте, жумушчуларга түзүлгөн шарттар боюнча кемчиликтерди байкадык. Аларды жоюу үчүн компаниянын жетекчилиги бир ай мөөнөт сурады. Бул маселе убакыттын өтүшү менен чечилет. Нааразы болгондор тарап кетишти", - деп билдирди Акпаралиев.

Ала-Бука районунун акиминин маалыматына ылайык, жумушчулардын эмгек акысы үстүбүздөгү жылдын май айында көтөрүлгөн. Бирок ага карабай алар маянанын аздыгын айтып нааразылыкка чыгышкан. Учурда жөнөкөй жумушчулар 6 миң сомдон, адистер 90 миң сомго чейин айлык акы алгандары бар.

Белгилүү болгондой, бүгүнкү күндө аталган компанияда 500гө жакын адам иштесе, анын ичинен 400 адам жергиликтүү тургундар. "Фулл Голд Майнинг" компаниясы 8 жылдан бери Ала-Бука аймагында ишмердүүлүк жүргүзүп келет.

Эске салсак, окурман "Элдик кабарга" жумушчулар эмгек акыга нааразы болуп, 3 күндөн бери жумуш токтоп турганын билдирген.

Автор: Акназар Сулайманкулов
Фото: Окурманга таандык

17:18 11-10-2016

Жазылуу

РУБРИКАДАГЫ СОҢКУ КАБАРЛАР

13:36 2025-05-14 | Кылмыштар, кырсыктар

Бишкекте жаранды сүзүп, качып кеткен айдоочу изделүүдө (видео) 56 0

13:33 2025-05-14 | Коом жана турмуш

Америкада кыргыз тилин үйрөткөн Уларбек агай: "Чет элдик студенттер тилди бат эле үйрөнүштү" (маек) 925 0

12:01 2025-05-14 | Кылмыштар, кырсыктар

Жүк ташуучу унаалар талкаланып... Ош-Эркештам жолунда ири жол кырсыгы катталды (видео) 1048 0

11:51 2025-05-14 | Түркүн дүйнө

Адам өлтүрүүгө айыпталып 40 жылдай абакта отурган жаран күнөөсүз деп табылды 1064 0

11:44 2025-05-14 | Бизнес-Инфо

Дагы эле iPhone үчүн ашыкча төлөп жүрөсүңөрбү? Honor кыйла көп артыкчылыктарга ээ! 208 0

10:44 2025-05-14 | Маданият, шоу-бизнес

Асел Кадырбекова Бишкек шаардык кеңешинин Ардак грамотасы менен сыйланды 1155 0

Архив

Комментарийлер (2)

ALATOOLUK.JIGIT

2016-10-11 18:19:52

Бул аким деле эч нерсени кыйратпаган алкымы ачык. Мурда райондук билим беруу башчысы эле.

Erka_kg

2016-10-11 19:44:46

ALATOOLUK.JIGIT, Балким сиз ошондой ойлойсуз. Ала-Буканын азыркы кейпи Сонунбек Акпаралиев аким болгонго чейинкисине такыр окшошпойт. Туура кееде өкмөттүн сөзүн сүйлөп коюшу мүмкүн. Бирок Ала-Бука үчүн кылып жаткан эмгектерин көрүп көңүл кубанат.

Комментарий калтыруу үчүн өз ысымыңыз менен кириңиз же каттоодон өтүңүз.