Шашылыш билдирүү! 17-19-октябрь аралыгында өлкө аймагында туруксуз аба ырайы күтүлөт

17-октябрдан 19-октябрга чейин өлкө аймагында туруксуз аба ырайы күтүлөт. Бул тууралуу Өзгөчө кырдаалдар министрлигинин басма сөз кызматы маалымдайт.

"17-октябрда Чүй, Талас, Жалал-Абад облустарында мезгил-мезгили менен жаан жаап, тоо этектеринде жана тоолуу райондордо кар, айрым жерлерде жаан-чачындын катуу жаашы күтүлөт, калган аймактарда жаан-чачын жаайт. 18-октябрда күндүн экинчи жарымында жана 19-октябрда Ош, Жалал-Абад, Баткен облустарынын өрөөндөрүндө жаан карга айланат, Чүй, Талас, Ысык-Көл, Нарын облустарынын дыйканчылык аймактарында жана тоо этектеринде, тоолуу райондордо кар, айрым жерлерде жаан-чачындын катуу жаашы күтүлөт. Батыштан соккон шамалдын ылдамдыгы секундасына 18-23 метрге жетет", - деп айтылат маалыматта.

Автор: Мальвина Уметбекова