Депутаттар министрди кытайлык компаниянын Лексусун минип жүргөнү үчүн сынга алышты. Ал кечирим сурады

Жогорку Кеңештин Бюджет жана финансы боюнча комитетинин 17-октябрдагы отурумунда депутаттар транспорт жана жол министри Замирбек Айдаровду "Чайна Роуд" кытайлык компаниясынын Лексус LX 570 автоунаасын пайдаланып жүргөнү үчүн сынга алышты.

Депутат Улан Примовдун айтымында, чиновниктер жөнөкөй жарандардай жүргөнгө үйрөнүшү керек. "Тендерлерге катышкан компаниянын сунушунан баш тартыш керек эле, анткени ал компаниядан министрлик көз каранды болуп калышы мүмкүн. Тендерге алдын ала шарт түзгөндөй болуп калат", - деди Примов.

Министр жооп бергендей, Транспорт жана жол министрлигинде 2 кызматтык унаа бар. "Бул унаалардын кыймылдаткычынын көлөмү 2,7 литр. Мындай унаалар менен көп жакка баруу мүмкүн эмес. Менин оюмча, аталган компаниянын унаасын пайдаланып туруудан мамлекетке эч кандай зыян келтирилген жок", - деди министр Айдаров.

Депутат Төрөбай Зулпукаров эгер Кытайда кайсы бир чиновник ушундай ишке барган болсо, аны атып салышарын айтты. Андан соң Зулпукаров "Чайна Роуд" компаниясынын Кыргыз Республикасындагы тендерлерге катышканын текшерип чыгууну тапшырды.

Бул маселени талкуулоонун жыйынтыгында министр Айдаров депутаттардан кечирим сурады. "Эми мындай кайталанбайт. Лексус унаасы менен көп ишти аткардым десем жаңылышпайм", - деди чиновник.

Автор: Нургазы Аматов

12:53 17-10-2016

Жазылуу

РУБРИКАДАГЫ СОҢКУ КАБАРЛАР

15:29 2025-05-14 | Коом жана турмуш

15-майга карата аба ырайы 61 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 245 0

14:48 2025-05-14 | Саясат

"Бөрк ал десе, баш алгандар". Депутат Алайдын 3 айылында үйлөрдүн 90-95 пайызы бузулуу алдында турганын айтты 349 0

14:32 2025-05-14 | Коом жана турмуш

Чукул билдирүү! Өлкөдө жакынкы күндөрү күн катуу ысыйт 395 0

14:30 2025-05-14 | Кылмыштар, кырсыктар

Милиция Бишкектеги өспүрүмдү сүзүп качкан жигит кармалганын билдирди 381 0

14:13 2025-05-14 | Саясат

Депутат "Таш-Көмүрдө тазаланбаган суудан улам оорулар көбөйүүдө" дейт (видео) 234 0

Архив

Комментарийлер (7)

future_kg

2016-10-17 13:21:17

Лексус 570 2.7 литр дегенине ишенбей жатам ! Бензинге кеткен чыгымды текшерсе эле чыгат! Мамлекетти булар менчиктеп эле алыштыгоо !эч бир жоопкерчилик жок! Японияда дачасына служебный машинеси мн барганы учун эле жумуштан кетип жатат! А булар куноосун бетине койсон да, кечирип койгула деп отурганын кара?

modem4999

2016-10-17 13:29:48

future_kg,лексус 570 обьему 5.7 Ал айтып атат 2.8 обьемду мингим келбейт дейт.

Seryi-Kardinal

2016-10-17 14:25:15

ke4irbegile

STAN_KG

2016-10-17 14:33:23

Ой уятсыз десе, тезинен кызматтан бошотуу керек! Эмне силерге баары боло береби? 2-3-күн мурун Япониядагы губернатор кызматтык унаасы менен дачага барганы үчүн кызматтан кетти, ал деген башка малекеттин атуулунун автомашинасын айдап жатат. Канча эссе кооптуу болушу мүмкүн, эртең ким кепилдик берет, ал мамлекеттин кызыкчылыгы үчүн каршы иштеп коет деп! Чыккынчы!

Uson13

2016-10-17 16:00:17

Биздеда өлүм жазасын киргизиш керек

knk

2016-10-17 16:03:17

Муну чыккынчылык катары караш керек. Чыккынчыга кечирим болбойт. Кызматынан жон эле кетип калса да ага женил жаза.

munar91

2016-10-17 19:42:34

Бул-коррупциясынын ачык туру, оор кылмыш!!! Башкы прокуратура кылмыш ишин козгоо абзел болчу, бирок АШАнын уруксатысыз бир кадам алга ташталбастыгы азыркы оппозиция соройлорунун жузу, болгон дарамети!!! Ошол эле жепжутарлар эмне учун анын жасаган кыймыл аракеттине юридикалык баа беруу учун тиешелуу органдарга кайрылган жок, эгер официалдуу кайрылганда тиешелуу кызматтык иликтоолор журмок беле!!!

Комментарий калтыруу үчүн өз ысымыңыз менен кириңиз же каттоодон өтүңүз.