ЖЫЛНААМА, 27-ОКТЯБРЬ: 13 жыл мурун Тайлак баатырдын эстелиги Нарын шаарына орнотулган

Кокон хандыгына каршы күрөшүп, эрдиги элдик дастанга айланган айтылуу Тайлак баатырдын эстелиги Нарын шаарына 2003-жылы орнотулган.

Тайлак баатыр өз маалында элин коргоп, мекен үчүн жанын найза учуна кармаган арстан жүрөк баатырлардын бири болгон. Анын кытай жана кокондук баскынчыларга каршы күрөшү эл эсинде калып, каармандыгы дастанга айланган.

Айта кетсек, Тайлак Ырыскул уулу болжол менен 1796-жылы азыркы Ак-Талаа районунун аймагында жарык дүйнөгө келген. Ал 19-кылымдын биринчи жарымынан тарта кыргыз элинин көз карандысыздыгы үчүн күрөш жүргүзгөн. Тайлак баатыр 1838-жылы Кокон хандыгынын тыңчысы тарабынан ууландырылып өлтүрүлгөн.

27-октябрга карата жылнаама.

Автор: Бекжан Рыскулов