Сурамжылоо: Милиция сиздин укугуңузду коргойбу же кордойбу? Жарандар: "Кордогондору да, коргогондору да бар"

Кыргыз милициясынын 92 жылдык мааракесине карата SUPER.KG порталы Бишкек шаарынын тургундарынан "Милиция сиздин укугуңузду коргойбу же кордойбу?" деген сурамжылоо жүргүздү. Сурамжылоонун жүрүшүндө айрым жашоочулар милициянын жарандарды коргогонуна ишенбегендигин билдиришип, укук коргоо кызматкерлеринин арасында жарандарды кордоого алгандары бар экенин айтышкан. Ошол эле учурда милициянын жакшы иштеп жатканын белгилеп, жарандардын укугун коргой турганына ишенгендер да болду.

Эске салсак, кыйноолор боюнча укук коргоо кызматкерлерине 2014-жылы 16, 2015-жылы 34 кылмыш иши козголгон. Ал эми 2016-жылдын 29-июнунда Кадамжай районунун тургуну Нургазы Сартаевдин милиция кызматкерлеринин ур-тепкисинен улам эки бөйрөгү жабыркап, ага 2 жолу операция жасалган. Ошондой эле 2015-жылдын 30-декабрында Ысык-Көл облусундагы Тоң районунун милиция кызматкерлери үндүк уурдаганга шектелип кармалган Урмат Кубанычбековду сабап, колдорун аттиш менен кыпчытып кыйнашкан.

Милиция кызматкерлери тарабынан жарандардын укуктары бузулган окуялар байма-бай кайталанып келет. Алардын катарын жакында эле Жалал-Абад облусунун Сузак районунда катталган окуучунун өлүмү толуктайт. Өспүрүмдүн өлүмү Жогорку Кеңешке чейин жетип, талкуу жаратты. Бүгүнкү күндө Сузак РИИБинин аймактык тескөөчүсүнө карата кызматтык иликтөө жүрүп жатканы айтылды.

Мындан сырткары Бишкектеги милиция кызматкерлеринен жабыркаган Адилет Иманкулов "Супер-Инфо" гезитине берген маегинде: "Орто-Сай" базары жакта баратсам, милиция кызматкерлери келип кармап кетишти. Алып барган соң "2 кылмышты моюнуңа аласың" деп целлофан баштык кийгизип сабап, ийне сайып, электрошокер басып кыйнашты", - деп билдирген.

Милиция сиздин укугуңузду коргойбу же кордойбу?

Автор: Акназар Сулайманкулов
Фото: Интернеттен алынды

18:13 28-10-2016

Жазылуу

РУБРИКАДАГЫ СОҢКУ КАБАРЛАР

13:36 2025-05-14 | Кылмыштар, кырсыктар

Бишкекте жаранды сүзүп, качып кеткен айдоочу изделүүдө (видео) 56 0

13:33 2025-05-14 | Коом жана турмуш

Америкада кыргыз тилин үйрөткөн Уларбек агай: "Чет элдик студенттер тилди бат эле үйрөнүштү" (маек) 925 0

12:01 2025-05-14 | Кылмыштар, кырсыктар

Жүк ташуучу унаалар талкаланып... Ош-Эркештам жолунда ири жол кырсыгы катталды (видео) 1048 0

11:51 2025-05-14 | Түркүн дүйнө

Адам өлтүрүүгө айыпталып 40 жылдай абакта отурган жаран күнөөсүз деп табылды 1064 0

11:44 2025-05-14 | Бизнес-Инфо

Дагы эле iPhone үчүн ашыкча төлөп жүрөсүңөрбү? Honor кыйла көп артыкчылыктарга ээ! 208 0

10:44 2025-05-14 | Маданият, шоу-бизнес

Асел Кадырбекова Бишкек шаардык кеңешинин Ардак грамотасы менен сыйланды 1155 0

Архив

Комментарийлер (14)

Nurkyz1977

2016-10-28 18:18:22

Милицияга ишин тушкулук кылбасын Жараткан Алла

+20

ruslanz

2016-10-28 18:41:40

Арасында жакшылары бар, окунчтуусу андайлар аз. Кобу кантип элди коргойм деп эмес, кантип сабашка кыла койсом деп журот. Согунгондорун угуп, окуу жайында аны да окутабы деп ойлойм.

+23

MAN-CITY

2016-10-28 18:44:18

Милицияларга сабак отсун ыймандан бир жумада эки жолунан, муфтият менен келишип ошондо алардында журогундо кудайга болгон коркунуч пайда болот.

+20

Tansuluu09

2016-10-28 18:55:24

Милицияны жаман уйротконда озубуз. Кээде тартипти билип билбей бузабыз, ишти жабыш учун акча беребиз.Окубай праваларды сатып алабыз. Анан озубуз жамандайбыз.
5 кол тен эместа, бар алардын арасында эптеп кылдан кыйкым таап акча алгандар да, законду билбейт деп ар нерсени, кылбаган иштерин моюнга алдыргандар.

afonia8282

2016-10-28 21:16:53

Милицияга ишин түшпөсүн...түшкөндө билинет...кээбир учурда күнөөсүз адамды мойнуна алдырып....отургандар бар...мен ишенбейм аларга!! !!!!

+10

Uson13

2016-10-28 22:16:07

Милиция менен докторлорго ишиң түшпөсүн булар баары элди кордоп келет акча үчүн булар баарына даяр

+10

tashi62

2016-10-28 22:21:04

Сыр сактай албагандары кызык экен ишенип айтсаң кайра сени сатып коюшат экен.

tashi62

2016-10-28 22:23:04

Бир жолу милицияга жардам сурап кайрылсак бир жерде күчтүү бакшы бар экен ошого баралы дейт биздин ишенген милициялар

bakulya2015

2016-10-28 22:43:49

Беш кол тен эмес,бирок мурда ии ушу милициялар бар бир аз тынчбыз дечуу элем окунучтуу андай эмес экен ичинде жакшылары аз 20%. 80% кордойт экен кайрылып барсан эле тергоого чакырып нары басып бири мынча берин десе бири басып мынча берин дейт болбосо районго,областка отуп кетет бул иш деп коёт айла жок. Бирок кичине болсода чон катачылык болсода кээ бир арам акча тапкан милициялар кордойт экен. Негизи олкобузда акча роль ойноп калды да карызга батып калдык,буларда убакыттан пайдаланат экенда. Ар

spinkub

2016-10-29 01:59:03

Кандай коргойт биздин милиция. Кантип акчасын алсам деп турат. Адамдык сапаты жок форма кийгендердин! Без форма тутсан тоок баары. Акча берип киришет да ошону эки эсе ондургону аракет калышат. Кыскасы эч Кимдин иши тушпосун бул формачан оборотеньдерге. Алар да Кудайдын алдында жооп берет унутпагыла!!!!

Dooron

2016-10-29 07:12:22

Кудай сактасын (милиция, врачка) буларга иш түшкөндөн. Коргомок тургай эмне себеп таба коюп акча ала калсам деп турушат. Арасында да аааааанча-мынча жакшылары бар.

barakcha

2016-10-29 08:31:50

А менин билдируумду эмнеге эле очуруп саласынар!!!!???(((

azamat.k

2016-10-29 09:51:18

Кордойт!!!...

souza.j

2016-10-29 11:01:12

Да. Кудай сактасын булардан.

Комментарий калтыруу үчүн өз ысымыңыз менен кириңиз же каттоодон өтүңүз.