Москвага баратып жол кырсыгына кабылып жаракат алган Жаңыл Жумалиеванын өлкөгө келүүгө каражаты жок болууда

30-октябрь күнү Москва шаарына бараткан автобус кырсыкка учурап, белинен оор жаракат алган Жаңыл Жумалиеванын Кыргыз Республикасына келүүгө каражаты жок болууда. Бул тууралуу бүгүн, 2-ноябрда жабырлануучу Жумалиева өзү SUPER.KG порталына билдирди.

"Биз бараткан автобус кырсыкка учураганда аман калдык. Ошол учурда белим ооруп жатканын байкадым. Катуу коркуп калгандыктан, ооруну анчалык сезген жокмун. Москвага жеткенде оорум күчөй баштады. Маңдайкы тиштериме сокку болгондуктан, кыймылдап калды. Абалым жакшы болуп кетер деген үмүт менен артка кайткан эмесмин. Ээн талаада таңга маал ары-бери өткөн айдоочулар да жок болчу", - деди Жумалиева.

Кырсыкка учураган Жумалиева 31 жашта. Ал Нарын облусунун Жумгал районуна караштуу Доскулу айылынын тургуну. Учурда Москва шаарында батирлердин биринде убактылуу жашап жатат. Ал азыр өз алдынча баса албайт. Маалыматка ылайык, жабырлануучулардан кечээ, 1-ноябрда Кыргыз Республикасынын Орусиядагы элчилиги кабар алып, бирок алар Жумалиеванын өлкөгө кетүүсүнө жардам берерин айтышкан эмес.

"Москвада калып иштейин десем ден соолугум жакшы болбой турат. Батирдин ижара акысын да төлөөгө каражатым жок. Өлкөгө кетейин десем жол кирем жок. Айылда апам ден соолугунун мүмкүнчүлүгү чектелип, оорулуу болуп калган. Атам жакында каза болгон. Бир туугандарым жардам бере албай жатышат. Кайрымдуу адамдардан үйгө жетүүгө жардам сураймын", - деп кошумчалады жабырлануучу.

Мындан сырткары аталган жол кырсыгына кабылган бир туугандар Нуркыз жана Кенжегүл Назаркуловалар да абалдары канааттандырарлык эмес экенин кабарлашты.

"Сиңдим Кенжегүл башынан жаракат алып, катуу коркуп калган. Түн ичинде чочуп кыйкырып ойгонуп жатат. Менин кабыргам сыныптыр. Азырынча иштөөгө мүмкүнчүлүгүбүз жок", - деди Нуркыз Назаркулова.

Эске салсак, 30-октябрь күнү Москва шаарына бараткан автобус кырсыкка учурап, 20 адам жабыркаган.

Автор: Акназар Сулайманкулов
Фото: Жаңыл Жумалиева

18:03 02-11-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (17)

Revolyutsiya

2016-11-02 18:10:32

Элчилик жардам беребиз кыязында жооп узатпады беле же бул жон гана эл алдында актануу беле?!! Качан караба мигранттар оз туйшугун оздору тартып журушот. Элчилик, Кыргыз Окмоту жардам колун созуп, оорулууларды Кыргызстанга кайтарып акысыз дарылатып жакшы болуусуна оболго тузсо болмок да. Же бийликке референдум (кенейтилген ыйгарым укуктары), оюн-тамаша (кочмондор оюндары ж.б.) жаны машине, креслолор эле керекпи?!! Качан элдин ахыбалын ойлошот булар?!!...

barakcha

2016-11-02 18:33:02

Менин кабинетимде душ жок деп бироо кошок кошуп окуруп атат.

bekiw.801

2016-11-02 18:36:34

barakcha, озунун уйундо душу жок окшойт да

mishonia8077

2016-11-03 04:01:37

bekiw.801,Душ эмес 2-3 аялы бар болсо керек душ эмне болуп калыптыр

erlist

2016-11-02 23:38:52

Revolyutsiya,элчилик мигрантарга жардам бермек тугул акча шыпырат кайра ал мындайча айтканда шарашкин контора...эч вопрос чечпейт

muzaffer

2016-11-02 19:08:14

Жаныл номеринерди жазып койгулачы.. ХХХ ХХХ ХХХ Билет алып бергенге аракет кылам. рахмат

+19

Ayida

2016-11-02 20:10:34

muzaffer,Аллах ыраазы болсун!Сиз бироонун проблемасын чечсениз Аллах Таала да сиздин проблеманызды чечсин!

muzaffer

2016-11-02 20:24:16

Ayida,амин,амин,амин аллах ыраазы болсун.

admin_portal

2016-11-03 09:56:18

muzaffer, сурооңуз боюнча купуя аркылуу жооп берилди!

Shamdagai2013

2016-11-02 21:38:49

Кайсы метродо жашап жатасынар?Биздин квартирага келгиле бекер жашап тургула жок дегенде,акчалай жардам кыла албасак да!

+10

jazmel

2016-11-02 23:05:59

Кыргыз элим озубузго озубуз жардам кылбасак.чонодорубуздун кабинетинде душ жок болуп элге убакыттары жок болуп жатат.аларда чон проблема экен ал.АЛЛАХ шыфа берсин. Ама эсен кайтып келип.оз мекенибизден даарылангыла.аамин

Pandora

2016-11-02 23:06:28

Так номери болсо менин купуяма да таштап койгула

Kroxa

2016-11-02 23:59:26

Кечее эле элчилик абалдары жакшы деп отуруп алып оттоп жатышканын сезгем алардан бир пайда жок..

Uson13

2016-11-03 04:10:14

Элчилике барсаң кыйратып койгонсуп адамга кыйкырышат жардам бербейт алар керек болсо өзүң акча таап кайра кет дешет

_adil_

2016-11-03 04:59:50

Жанылдын номерин бергилечи жолкиресине жардам кылалы

admin_portal

2016-11-03 10:01:33

_adil_, сурооңуз боюнча купуя аркылуу жооп берилди!

Krai

2016-11-03 13:26:02

admin_portal,боорукер адамдар бар экен жардам беребиз деген мекендештер силерди кудайым колдосун оомин окуп алып козумо жаш келди

Комментарий калтыруу үчүн өз ысымыңыз менен кириңиз же каттоодон өтүңүз.