СУПЕРСТАН: "Талаа жумуштарына чыккан агам менен жеңеме сүйлөп берип моралдык жардам көрсөткөм"

SUPER.KG порталынын "Суперстан" бөлүмүндө "Кетмен көтөрүп талаада иштеген күндөрдү эстейбиз" деген тема кызуу талкууга алынууда.

Темадагы билдирүүлөр:

"Ойлонуп жатып, талаага чыгып кетмен чапкан күндөрүм эсиме түшүп кетти. Баарыбыз чыкканбыз, жок дегенде эшиктин алдындагы огородубузду отогонбуз. Ал эми шаардык туугандарыбыз каникулга келгенде чоң аталарыбыз аларды биз менен талаага чыгарып койчу эле. Көбүнчө күн карама, жүгөрү, кызылча, пахта, кулпунай, дагы ушул сыяктуу нерселер көп айдалат. Алар да аздан эмес, гектарлап айдалат эмеспи. Биз талаага майда-чүйдө көп деле айдаган жокпуз, бирок мал менен иштечүбүз. Туугандарыбыз айдап, аларга жардам бергенге көп эле бардым. Бир күнү күн карама жыйнаганы баргам. Ойсоңдоп жоолук салынбай кирип, чачымдын баарына уйгак жабышып калыптыр, узун чачымды жулуп жатып араң тазалагам".

"Бизде чөп чабуу маалы келгенде атам чөмөлөгө чыгасың дечү. Мага талаа иштерине чыккан жакчу эмес. Иним экөөбүз талаага барып жумуш кылбай, уктап, телефондун музыкасын коюп бийлеп алып үйгө келчүбүз. Эртеси күнү атабыздан көп тил уктук".

"Бир жылы биз 4 гектар жерибизге жүгөрү айдаганбыз. Аны чогултуу маалы келгенде баарыбыз талаага чыкканбыз. Байкем, жеңемдер жакшы иштешти. Мен моралдык жардам кылып, сүйлөп берип турдум".

"17 жашыма чейин кетменди далай жолу чапкам. Ата-энем бир мезгилде ооруп калышып, инилерим жаш, менден улуулары шаарда окуп жатышканда көп түйшүк моюнга түшкөн. Күн ысыганча талаа иштерин жасачумун. Чак түштө тамак жасап, жаңыдан баскан инимди жетелеп ооруканага барчубуз. Күн салкындаганда кайрадан талаа иштерин жасачумун. Үйүбүздөн алыс жайгашкан жер тилкебизге кетмен көтөрүп баруудан, араба менен үрөндөрдү ташуудан уялар элем. Айла жок, жасоого туура келчү. Күндүн нуруна бөлөнүп, капкара болуп күйгөн күндөр көп эле болгон. Талаа иштери бейтааныш эмес".

"Кетмен көтөрүп талаага чыкпасам да, огородобуз чоң эле. Жазында көчөт отургузуп, аны отоп-сугаруу башталганда далай оюндан калдым го. Азыр ошол огороддун жер-жемишине зармын, аттиң".

Талкууга кошулгуңуз келсе, бул жакка кириңиз.

Автор: Алина Токтакунова
Фото: Интернеттен алынган сүрөт

17:47 21-11-2016

Жазылуу

РУБРИКАДАГЫ СОҢКУ КАБАРЛАР

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 380 0

16:39 2025-05-14 | Коом жана турмуш

Таласта айрым дарыяларда балык уулоого убактылуу тыюу салынды 193 0

15:44 2025-05-14 | Коом жана турмуш

Депутат Кой-Таш окуясында жабыркаган генералдын пенсиясын көтөрүүнү сунуштады (видео) 604 0

15:34 2025-05-14 | Коом жана турмуш

Түрк тили күнүнө карата Кыргызстанда түрк ырларынын сынагы өттү (сүрөттөр) 178 0

15:29 2025-05-14 | Коом жана турмуш

15-майга карата аба ырайы 354 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 517 0

Архив

Комментарийлер (1)

ainura220888

2016-11-22 00:03:18

Менда 17жашка чейин пахта чаап пахта терип чонойдум 10-11класста менден чондору окуп уй жай куруп кетип 1,5гектар жер озумо калып кеткен. Кундо сабактан чыгып алып кетмен которуп пахтага жономой атама жардамчы салалычы десем шашбай озун кыла бер дечу раматылык) пахта жыйналып доход тийгенде апам менен атам дердин кожоюну болуп чыга келчу)))). Айткан кийимдерими алып берип аяп иштет деп 1000с беришкен. Ал убакта мин сом чон акча эле зонтик очки сатып алганым эсимде. Соонун кундор эле

Комментарий калтыруу үчүн өз ысымыңыз менен кириңиз же каттоодон өтүңүз.