Ак-Ордо конушунда кош бойлуу эне 8 айдан бери медициналык каттоого тура элек

Гүлзат Рустамова уулун мектепке бере албай жатканын айтууда.

Кош бойлуу Гүлжан Шаршеналиева

Кош бойлуу Гүлжан Шаршеналиева 8 айдан бери Бишкекте медициналык каттоого тура албай жатат. Бул тууралуу ал бүгүн, 21-ноябрда SUPER.KG порталына билдирди.

"Бишкектин четиндеги Ак-Ордо конушунда 4 жылдан бери жашайм. Учурда 8 айлык кош бойлуумун. Каттоого турайын десем, жергиликтүү медициналык кызматкерлер "чарба китепте кайсы аймакта катталсаң, ошол жерге барып медициналык каттоого тур" деп жатышат. Айласыздан Ат-Башы районуна барып каттоого туруп келдим", - деп билдирди Шаршеналиева.

Белгилүү болгондой, кош бойлуу эненин 2 баласы бар. Ал балдарын буга чейин жашап келген Ат-Башы районунда төрөгөн. Соңку жылдары турмуш шартына байланыштуу борбор калаада жашап жатат.

Ал эми дагы бир жашоочу Гүлзат Рустамова уулун мектепке бере албай жатканын айтып, нааразычылыгын билдирди: "Мен өзүм мугалиммин. Балам алты жарым жашта. Быйыл башталгыч класска киргизем деп 3 ай бою чуркап жүрүп мектепке киргизе алган жокмун. Ак-Ордо конушундагы мектеп жетекчилиги "орун жок, Ак-Ордо-3 конушунун жашоочулары бизге карабайт" деп кабыл албай койду. Биздин конушта каттоосу жок аялдар ооруканаларга көрүнө алышпайт. Кызмат көрсөтүүнүн баары акча менен чечилип калды. Жаш келиндер төрөгөндөн да коркуп жатышат, анткени бизди ооруканага кабыл албайт".

"Өкмөттүн Чүй облусундагы ыйгарым укуктуу өкүлү, Сокулук районунун акими, Новопавловка айыл өкмөтү 3 жылдан бери калкты каттоого алуу, электр энергиясын тартуу маселелерин чече албай жатат. Кыргыз өкмөтү, депутаттар бизге окшогон карапайым элге жардам берсе болот эле", - деп кошумчалады Рустамова.

Автор: Акназар Сулайманкулов
Фото: Акназар Сулайманкулов

14:58 21-11-2016

Жазылуу

РУБРИКАДАГЫ СОҢКУ КАБАРЛАР

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 380 0

16:39 2025-05-14 | Коом жана турмуш

Таласта айрым дарыяларда балык уулоого убактылуу тыюу салынды 193 0

15:44 2025-05-14 | Коом жана турмуш

Депутат Кой-Таш окуясында жабыркаган генералдын пенсиясын көтөрүүнү сунуштады (видео) 604 0

15:34 2025-05-14 | Коом жана турмуш

Түрк тили күнүнө карата Кыргызстанда түрк ырларынын сынагы өттү (сүрөттөр) 178 0

15:29 2025-05-14 | Коом жана турмуш

15-майга карата аба ырайы 354 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 517 0

Архив

Комментарийлер (2)

atyra01

2016-11-21 15:57:51

чындыгында ошондой мен да ак -ордонун тургунумун бирок ак ордодо мектеп жок балдарыбыз ак оргого барып окуйт директору акча алмайын жолотбойт дагы

Stervamyn

2016-11-21 17:13:22

Мен Ак ордодо 5-6 айдай жашап,анан айыл окмотунон "убактылуу жашайт "деген справка менен эле 4айлык боюмда бар кезде ,эч кандай проблемасыз учетко тургам.Гинекологго болгону карточкага деп 200 сом бергем.Ар адам озунун укугун билиш керек!албайбыз десе эле,унчукпай кетип калбай,оз укугунду айтып туруш керек.Постоянное место жительства болбосо да,убактылуу справка менен алганга милдеттуу алар!

Комментарий калтыруу үчүн өз ысымыңыз менен кириңиз же каттоодон өтүңүз.