Бишкекте "Манас" эпосу күнүнө карата "Жаш манасчы" сынагы өттү

Бишкекте "Жаш манасчы" сынагы өткөрүлдү. Бул тууралуу бүгүн, 7-декабрда Бишкек шаардык мэриясынын басма сөз кызматынан билдиришти.

"Свердлов районунда "Манас" эпосу күнүнө карата өткөрүлгөн иш-чарага 20 мектептен 35 окуучу катышты. Салтанаттын катышуучулары актёрдук чеберчиликтерин көргөзүп, таланттарын сынашты. Жыйынтыгында мыкты деп табылган окуучуларга белектер тапшырылды", - деп билдирди басма сөз кызматы.

Маалыматка ылайык, иш-чаранын жүрүшүндө сүрөт көргөзмөсү уюштурулду.

Белгилей кетсек, өлкө боюнча "Манас" эпосу күнү жыл сайын 4-декабрда белгиленет.

Автор: Акназар Сулайманкулов
Фото: Бишкек шаардык мэриясынын<br>басма сөз кызматы