Өлкө боюнча сасык тумоо менен кайрылгандардын саны бир жумада болжол менен 3000ге төмөндөдү

Саламаттыкты сактоо министрлигинин бүгүнкү маалыматына ылайык, курч мүнөздөгү респиратордук вирусуна кабылгандар менен сасык тумоого чалдыккандардын саны кыскарып, эпидемиологиялык абал республика боюнча турукташууда.

"26-декабрга карата ооругандардын саны 1,6 эсе азайды. 19-декабрда 5021 адам курч мүнөздөгү респиратордук вирусу жана сасык тумоо менен кайрылса, 26-декабрда 1919 кайрылуу болду", - деп айтылат маалыматта.

Оорулардын басаңдашы Бишкек, Ош шаарларында жана республиканын бардык облустарында болуп жатканы маалым болду.

"Учурда эпидемиологиялык абал көзөмөлдө, калк арасында күнүмдүк мониторинг жүргүзүлүп жатат", - деп кошумчалашкан министрликтен.

Автор: Үмүт Абдраимова
Фото: Интернеттен алынды