ЭЛДИК КАБАР: Кетмен-Төбөдө жергиликтүү бийлик жаңы сатылып алынган трансформаторду бир жылдан бери иштете албай жатат

Токтогул районунун Кетмен-Төбө айыл аймагына караштуу Чоң-Арык айылынын Бечел көчөсүнө сатылып алынган трансформатор бир жыл бою иштетилбей турат. Бул тууралуу SUPER.KG порталына окурман билдирди.

Анын айтымында, мындан улам жергиликтүү тургундар айылдык кеңештин депутаттарына кайрылышты. "Айыл өкмөтү Атайын фондго кайрылып, ушул көчөгө трансформатор алып берген. Тургундардын айтуусунда, трансформатордун алдындагы тегерегин өздөрү казып, өздөрүнүн каражатын кетиришип жүктөп келип коюшкан. Жашоочулар бир жылдан бери "трансформаторду улап бергиле" деп суранышууда. Райондук электр тармактары ишканасы "тетиктер жок" деп жергиликтүү бийликке кайрылса, "биз чече албайбыз" деп жооп берген", - дейт окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

Автор: Нургазы Аматов