Бүгүн Жогорку Кеңешти 2021-жылга чейин өнүктүрүү стратегиясына арналган конференция өтөт

Бүгүн, 17-февралда Жогорку Кеӊешти 2021-жылга чейин өнүктүрүү стратегиясына арналган конференция өтөт. Бул тууралуу парламенттин басма сөз кызматы билдирди.

Маалыматка ылайык, иш-чарада буга чейин кабыл алынган Жогорку Кеӊешти 2021-жылга чейин өнүктүрүү стратегиясын ишке ашыруу жаатында атайын баяндамалар угулат. Конференцияга кыргыз парламентинин жетекчилери менен депутаттар, дипломатиялык өкүлчүлүктөрдүн, эл аралык уюмдардын башчылары, бизнес-коомчулуктун өкүлдөрү, дагы башка чакырылган тараптардын катышуусу күтүлүүдө.

Өнүгүү стратегиясынын келечектүү багыты Жогорку Кеӊештин өкүлчүлүк, мыйзам чыгаруу, көзөмөл иш-милдеттерин тактоо, ошондой эле анын талдоо жана эл аралык ишмердүүлүгүн жогорулатуу болуп саналат.

Андан сырткары, стратегияда парламенттин көзөмөл иш-милдетинин натыйжалуулугун арттыруу, тармактык комитеттердин, парламенттик фракциялардын жана алардын катчылыктарынын, ошондой эле Жогорку Кеӊештин Аппаратынын ролун жогорулатуу негизги максаттардын бири катары каралган.

Автор: Нургазы Аматов
Фото: Жогорку Кеңештин басма сөз кызматы