"Кытайдан эт азыктарын алып келүүгө убактылуу тыюу салынгандыктан өлкөбүздө мал кымбаттай баштады" дейт депутат

2017-жылдын 1-январынан тарта Кыргыз Республикасы Кытайдан эт, сүт продукцияларын алып келүү боюнча убактылуу тыюу салды. Бул тууралуу Жогорку Кеңештин "Өнүгүү-Прогресс" фракциясынын 17-февралдагы жыйынында Ветеринардык жана фитосанитардык коопсуздук боюнча мамлекеттик инспекциянын адистери билдиришкен.

Алардын айтымында, бул тыюу Кытайдан келчү продукцияларды ЕАЭБ өлкөлөрү биргеликте текшергенге чейин созулмакчы. "Адистер текшерүүлөрдү жүргүзгөн соң, эт продукциялары Кытайдан ЕАЭБ өлкөлөрүнө импорттолору же импорттолбой турганы чечилет", - дешкен адистер.

Депутат Мирлан Бакиров бүгүн, 20-февралда SUPER.KG порталына билдиргендей, эгер өкмөт эт азыктарын импорттоого бөгөт коюу боюнча маселени аягына чейин чыгара турган болсо, мунун Кыргыз экономикасына таасири сөзсүз тиет. "Анткени бизде өндүрүлгөн эттин, мал жандыгынын баасы көтөрүлөт. Бул ар бир дыйкандын үй-бүлөсүнө таасир этет. Аймактарда малдын баасы мурдакыга салыштырмалуу 3 миң сомдон 5 миң сомго чейин көтөрүлгөнү айтылууда", - деди депутат.

"Экинчиден, Кытайдан кандай эт бизге келип жатканына, анын сапатына көңүл буруу зарыл. Биздин лабораториялар эт азыктарына эмнелер кошулганын изилдеп отурганга толук камсыз кыла албайт. Эң негизги маселелердин бири - Кытайдын эти талаптарга жооп береби же жооп бербейби. Мисалы, өткөндө ветеринардык кызмат базарларда рейд жүргүзүп, Кытайдан келген эт сапатсыз экенин аныктаган болчу", - деп эскертти Бакиров.

"Үчүнчүдөн, малдын баасы көтөрүлгөн сайын биздин дыйкандар малдын санын көбөйткөнгө аракет кылат. Биз өзүбүздү эт менен 100 пайыз камсыз кыла албайбыз. Импорттон көз карандыбыз. Бирок "импортко көз карандыбыз" деп туруп сапатсыз этти сатып ала бербешибиз керек. Экспортко багытталган экономика болгонго аракет кылышыбыз керек", - деген оюн айтты депутат.

Автор: Нургазы Аматов

17:29 20-02-2017

Жазылуу

РУБРИКАДАГЫ СОҢКУ КАБАРЛАР

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 126 0

22:42 2025-05-15 | Коом жана турмуш

Курулуш министрлиги кырсыктарды алдын алуучу буйрук чыгарды 229 0

22:25 2025-05-15 | Түркүн дүйнө

Мексикада белгилүү блогер айым TikTok'тун түз эфиринде атып өлтүрүлгөн 920 0

21:56 2025-05-15 | Кылмыштар, кырсыктар

Оштогу базардын жер тилкеси мамлекетке алынды 394 0

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 698 0

21:19 2025-05-15 | Саясат

Коргоо министри Бекболотов коопсуздук кеңешинин катчысы болуп дайындалды 728 0

Архив

Комментарийлер (9)

Realtilia

2017-02-20 18:16:54

2015-жылы малдарды:кой 4000-15000,уй 17000-65000,жылкы 21000-95000 сатылчу. 2016-жылдан баштап кой 2500-8000, уй 13500-53000, жылкы 15000-70000. Кандайча мал кымбаттады? Мал эмес продукты кымбаттады.

temirov76

2017-02-20 20:14:40

Realtilia,малды 2017ж январдан баштар көтөрүлө баштады деп жазылып турат,мал базарга барсаң чындыгында баа өскөн.

Adilet_adi

2017-02-20 18:56:35

Мал кымбаттаса элге жакшы болмокда элдин баары эле мал менен тричилик кылып атпайбы.

kuba502

2017-02-20 19:00:12

Кантип Кыргызстан эт менен өзүн камсыздай албайт

isabek1977

2017-02-20 19:06:22

Элдин малынын баасы которулсо жакшы болмок.

Arlenchik

2017-02-20 20:25:37

Мамлекет эт менен эн сонун камсыздайт озун, андан коро кытайдан келген сапатсыз этке богот койгула, акыркы учурда малдын баасы отоле томондоп кетти элге да жакшы болот, калктын басымдуу болугу мал менен жансакташат.

Taku.14.02

2017-02-20 21:10:15

Ишенсенер масквада эт . Биштен арзан аа. Продукт 2 эсе арзан

Munar_6052

2017-02-20 22:54:21

кытайга тируу экспортогон эшектердин эти кайра бизге келип жатабы ошондо

algakaray

2017-02-21 03:07:56

mal koboitush kk

Комментарий калтыруу үчүн өз ысымыңыз менен кириңиз же каттоодон өтүңүз.