Бишкектеги эстеликтерди жууп-тазалоо иштери жүрүүдө

"Тазалык" муниципалдык ишканасынын кызматкерлери Бишкектеги эстеликтерди жууп-тазалоо, атайын коргоочу заттар менен каптоо иш-чараларын жүргүзө башташты. Мындай иштерди ушул жылдын 7-майына чейин аягына чыгаруу пландалган. Бул тууралуу бүгүн, 21-апрелде мэриянын басма сөз кызматы маалымдады.

"Тазалыктын" кызматкерлери эстеликтерди түрдүү аэрозолдук боёктор жана концелярдык чапталгы менен жазылган жазуулардан тазалашат. Ага 3 жуугуч унаа, ар биринде 5тен адам бар 4 бригада тартылды", - деп айтылат маалыматта.

Ошондой эле мэрия кызматы шаардыктарды искусство объектилерине, муниципалдык буюмдарга аяр мамиле кылып, коомдук жайларда маданиятты сактоо менен, эреже бузгандар тууралуу маалыматтарды укук коргоо органдарына маалымдоо зарылдыгын эскертет.

Автор: Турсунай Алымкулова
Фото: Бишкек шаарынын мэриясы