Бишкекте унаа сүзүп кеткен окуучулардын апалары: "Айдоочу мыйзамга ылайык жооп берсин"

Үстүбүздөгү жылдын 21-апрелинде Бишкектеги Бакаев менен Ремесленная көчөлөрүнүн кесилишинде мектептен чыгып бара жаткан 2 окуучуну Мерседес үлгүсүндөгү унаа сүзүп кеткен. Бүгүнкү күндө окуучулардын бири Эрбол Мамажакыповдун абалы жакшы. Ал эми Алимбек Сыранов эсине келгени менен, абалы оор бойдон калууда.

Эрбол Мамажакыповдун чоң энеси Айсулуу Калбаева небересинин абалы тууралуу буларга токтолду:

"Неберем куспай, тамак жеп калды. Азырынча башын көтөрө албайт. 3 күн мурун айдоочунун туугандары келишкен, бирок биз алар менен сүйлөшпөй койгонбуз. Ооруканадагыларга "палатага киргизбегиле" дегенбиз. Биз болгону сүзүп кеткен айдоочу мыйзамга ылайык жазасын алсын деп жатабыз".

Эскерте кетсек, ички иштер министри Улан Исраилов айдоочунун ата-энеси тосмо арыз берүүнү суранып жатканын айткан.

Алимбек Сырановдун апасы Жылдыз Матеимова айдоочу тараптан карыялар келип, бирок алар менен сүйлөшпөй жатканын кабарлады.

"Тергөөчү айдоочу азыр 1 айга камакка алынганын айтты. Алимбек 5-балам. Мурда күнү эсине келген. Бир көзүн ачып жатат. Оң капталы иштеп, сол капталы кыймылдабай жатат. Дары-дармектер оорукананын эсебинен алынууда. Сүзүп кеткен айдоочу мыйзамдын алдында жооп беришин гана талап кылабыз. Ал буга чейин дагы бирөөнү сүзүптүр. Ойлонбойбу эми, токтотуу керек да. Менин баламдын абалын азыр мен эле түшүнүп жатам", - дейт Жылдыз Матеимова.

Автор: Кызжибек Раимова
Фото: Кызжибек Раимова

13:27 28-04-2017

Жазылуу

РУБРИКАДАГЫ СОҢКУ КАБАРЛАР

00:02 2025-07-09 | Саясат

Тажикстандын борборунда кыргыз ыр-күүлөрү жаңырды 544 0

23:31 2025-07-08 | Түркүн дүйнө

Дональд Трамп Орусияны коркутууга алды 1862 0

23:19 2025-07-08 | Саясат

Душанбеде кыргыз-тажик өндүрүмдөр көргөзмөсү болду. Ага эки өлкөнүн лидерлери барды 574 0

22:50 2025-07-08 | Түркүн дүйнө

Ярославль шаарында бороон бак-дарактарды кыйратып, жолдор жабылды (видео) 563 0

21:43 2025-07-08 | Коом жана турмуш

Жашоо, сүйүү, каада-салт... Диана аттуу орус кызынын жүрөгүн багындырып алган баткендик мырза (маек) 1799 0

21:08 2025-07-08 | Кылмыштар, кырсыктар

Чүйдө 39 жаштагы киши өз энесин сабап, изин жашырып кетти 1840 0

Архив

Комментарийлер (6)

spinkub

2017-04-28 13:34:18

Аллах шыпаа берсин балакайларга. Айдоочу мыйзам алдында жооп берсин!!!

madina.87

2017-04-28 13:36:07

Биз энелер бала учун жашайбызда бул дуйнодо.
Эртерээк айыгып бутуна туруп кетсе экен.

Т.б.туура айтасыздар мыйзамдын негизинде жазасын алсын!!!

jonne

2017-04-28 13:39:20

Мыйзам качан карапйым эл учун иштейт . Биз элдер ушундай нерсеге конул кош калтырбайлы мыйзам алдында жоп берсин биздин келечекти биз коргобосок ким коргойт

Akshumkar

2017-04-28 15:33:07

Балдар аман эсен болсун бат сакайып кетсин.

keneksi

2017-04-28 23:15:56

Камаш керек законду кучотуу керек

aiur

2017-04-29 11:19:07

Жаман болду,жакшы болуп калышат буюрса,ата-эне учун бала аман болсо экен...

Комментарий калтыруу үчүн өз ысымыңыз менен кириңиз же каттоодон өтүңүз.