Боинг кырсыгынан жабыркагандар элден чогултулган каражат адилетсиз бөлүштүрүлүп жатканын айтышууда

27-апрелде өкмөттүк комиссия Дача-СУ айылындагы учак кырсыгынын жабырлануучуларына моралдык колдоо катары 5 миллион сом бөлүү чечимин кабыл алып, 232 жаранга акчалай каражаттар таратылганын КРнын Өкмөттүк Аппаратынын маалыматтык камсыздоо бөлүмү жарыялаган. SUPER.KG порталы бүгүн Дача-СУдагы тургундар менен байланышып элден чогулган акчалар кимге, канча суммадан бөлүштүрүлгөндүгүн сурамжылап көрдү.

Аталган айылдын жашоочусу Рысбек Алымкулов: “Эмне өкмөт акча бериптирби? Мен азыр силерден угуп жатам, негизи менин жашаган үйүм учак кулаган жерден бир чакырымдай алысыраак турат. Акча тууралуу билбейм, андан көрө бизди кооптуу аймактан качан, кайда көчүрөт экен ошол боюнча бийликтегилердин жообун уксак болот эле”, - деген ою менен бөлүштү.

Ал эми айыл тургуну Нуркыяз Машаев: “Бул жакта көпчүлүк жашоочулар үйлөрдү ижарага алып жашагандар, ээлери болсо шаарда турушат. Учак кулап түшкөндө, андан төгүлгөн керосиндин запкысын жашоочулар тартты. 5 миллион сом моралдык чыгымдар үчүн төлөндү. Үйлөрүн ижарага бергендер үйүнүн ижара акысын алып жаткандан кийин моралдык чыгымга деп берилген акчаны албай эле коюшса болмок. Бөлүштүрүү адилетсиз жүргүзүлүп жатат”, - дейт.

Акча каражаты Новопавловка айыл өкмөтү тарабынан түзүлгөн атайын комиссия тарабынан бөлүштүрүлдү. Анын курамына тиешелүү мамлекеттик органдардын жетекчилери, каза болгондордун туугандары жана жергиликтүү тургундар кирген. Акыркы маалыматтар боюнча КРнын ӨКМнын атайын эсебине элден 102 миллион 160 миң 180 сом түшкөн.

Буга чейин аталган айыл тургундары комиссияга мүчө болуп кирген жергиликтүү тургундар менен материалдык чыгым тарткандардын ортосунда ажырым пайда болуп, пикир келишпестиктер жаралып жаткандыгын кабарлашкан.

Автор: Илязбек Балташев

18:13 01-05-2017

Жазылуу

РУБРИКАДАГЫ СОҢКУ КАБАРЛАР

21:43 2025-07-08 | Коом жана турмуш

Жашоо, сүйүү, каада-салт... Диана аттуу орус кызынын жүрөгүн багындырып алган баткендик мырза (маек) 202 0

21:08 2025-07-08 | Кылмыштар, кырсыктар

Чүйдө 39 жаштагы киши өз энесин сабап, изин жашырып кетти 602 0

20:30 2025-07-08 | Кылмыштар, кырсыктар

Байтик айылындагы жер тилкелерин бөлүштүрүү иштери текшериле баштады 285 0

19:43 2025-07-08 | Саясат

Якутияда XXII Манчаары оюндары башталды 469 0

19:24 2025-07-08 | Түркүн дүйнө

Трамптын Казакстанга жеткен катына жооп берилди. Эмне кеп? 1308 0

18:59 2025-07-08 | Коом жана турмуш

Түп районундагы бир нече айылда сел жүрдү (видео) 549 0

Архив

Комментарийлер (6)

Kroxa

2017-05-01 19:47:38

Элдин которгон акчасын да жеп жатышабы тоба...а озу окмот эмне жардам берет экен???

Aruwka.89

2017-05-01 19:58:40

Ынсап берсин жеп атышса ХХХ

Aruwka.89

2017-05-01 19:59:25

Элдин коз жашынан чогулган элдин ырыскысын каантип алышат алмак тугул алууну ойлоп коюштан уялыш керек

maks94.kb

2017-05-01 21:37:33

Жанакы кара кутусу эмне болду экен учактын

aerforce

2017-05-01 23:02:02

Ушул акчаны ызы чуу кылбай уй жайсыз калган жана жетим калгандарга шаардын бир четинен кабаттуу уй салып киргизип салса болмок себеби уй жайсыз калгандарга чындыгында оор ал эми козу отуп кеткен туугандардын урук туугандары эмне учун болуп алыш керек эгер козу откон адамдын артынан бала калса ал балага атайын эсеп ачып 18ке чыкканда алатурган кылса болмок бекер урук туугандар мен алам сен аласын деп уруштурбай

nuke1988

2017-05-01 23:40:40

Силер качан тойот экенсинер. Аркасы жаман болорун билип алгыла бербесенер ошого жооп берет турган Кун келет

Комментарий калтыруу үчүн өз ысымыңыз менен кириңиз же каттоодон өтүңүз.