Бүгүн, 17-майда Жогорку Кеңеште “Кыргыз Республикасынын айрым мыйзам актыларына өзгөртүүлөрдү киргизүү тууралуу” Администрациялык жоопкерчилик жөнүндө кодекске, “Тамекинин зыяндуу таасиринен Кыргыз Республикасынын жарандарынын ден соолугун коргоо жөнүндө мыйзамына өзгөртүү киргизүү мыйзам долбоору 3-окууда жактырылды.
Мыйзам долбоор коомдук жайларда тамеки тартууга тыюу салууга багытталган. 116 депутат каттоодон өтүп, 115и “макул”, бирөөсү "каршы" деп добуш берди.
Демилгечилер КСДП фракциясынын депутаттары: Дастан Бекешев, Музаффар Исаков, Альфия Самигуллина, Евгения Строкова жана "Республика - Ата Журт" фракциясынын депутаты Махабат Мавлянова.