Адистер: "Интернет аркылуу коомчулукка тарап, талкууга алынып жаткан кантала Кыргыз өлкөсүнүн аймагында жок"

Тиркеме аркылуу келген сүрөт

Интернет аркылуу коомчулукка тарап, талкууга алынып жаткан кантала Кыргыз өлкөсүнүн аймагында жок. Мындай маалыматты бүгүн, 17-майда SUPER.KG порталына Улуттук илимдер академиясынын Биология жана топурак таануу институтунун директорунун милдетин аткаруучу Бекмамат Жээнбаев билдирди.

"Өлкө жарандары интернет аркылуу элге жайылып жаткан канталадан кооптонбошу керек. Анткени бул биздин аймакта жок. Бул деңиз жээктеринде байырлашы мүмкүн. Ал Казакстандын аймагында да кездешпейт", - деп билдирди Жээнбаев.

Академиянын зоологдору берген маалыматы боюнча, бул курт чакса, аары чаккандай ооруйт экенин билдиришкен.

Ал эми илимде бул кантала "суу канталасы" деп аталат, суудагы майда балыктар менен тамактанат. Алар тукумуна өзгөчө мамиле кылышат. Ургаачы кантала жумурткаларын эркектин канаттарынын үстүнө салат. Андыктан жумурткаларын көтөрүп жүргөн кантала кирпи сыяктуу көрүнөт.

Автор: Акназар Сулайманкулов
Фото: Интернеттен алынды