СУПЕРСТАН: "Убагында ыйлатып, таштап кеткен адамды кантип кечирүүгө болот?! "Өлдүм-күйдүм" десе да мага баары бир, кечирбейм"

SUPER.KG порталынын "Суперстан" бөлүмүндө "Кайтпай кеткен сүйүүң кайрылып келсе эмне кылар элең?" деген тема талкууга алынууда.

Темадагы билдирүүлөрдөн:

"Кечирбейт элем. Убагында ыйлатып, таштап кеткен адамды кантип кечирүүгө болот?! "Өлдүм-күйдүм" десе да мага баары бир".

"Эх, убагында баалабаган адамыма кайтып баргым келет, бирок кеч болгонун билем. Кечирсе да, кабыл албаса керек деп ойлойм".

"Мурунку сүйүүмдүн кайтып келишин каалабайт элем. Биз урушуп-талашпай эле сый менен гана коштошконбуз. Ал кайрылып келген күндө деле кабыл ала албайм. Менин сезимимде кандай жакшы адам болсо, ошондой боюнча сакталуусун каалайм. Жакында эле үйлөнгөн, тынч гана жашоосу улансын".

"Албетте, адам баласы болгондон кийин кечиримдүү болгону жакшы. Эгерде кайтып келсе, мен кабыл алам. Анткени менин жашоого, сүйүүгө болгон көз карашымды өзгөрткөн адамды эч качан унута албайм. Азыр турмуш жолуна кадам таштай элек учурум. Үй-бүлөм болбогон үчүн кечирип, жүрөгүмдүн каалоосун аткармакмын. Бул дүйнөдө өз каалооң менен өмүр сүргөнүң жакшы эмеспи. Жүрөктүн буйругун да тыңшап койгонуң да дурус".

"Дайынын билгизбей 3-4 ай жоголуп кайра пайда болгондо көңүлүм аябай калып калганын сездим. Тааныбаган адам болуп басып кеткем, азыр интернеттен жазып калат. "Ырас эле жоголуп кетиптирсиң, азыр бактылуумун, сүйгөн жолдошум, томпошка балам бар" деп рахматымды айткам".

"Мага кайрылып келсе кечирмекмин. Турмушка чыга элекмин, ал башкага үйлөнүп алган, бирок келсе кечирем. Себеби мен аны сүйөм жана түшүнүп, жүрөгүмө кулак салып кечирем. Ал үй-бүлөлүү болсо да, кээде сүйлөшүп турабыз. Андан башканы сүйө албай жатам, арадан 3 жыл өтсө да унута албай кыйналып келем".

Талкууга кошулгуңуз келсе, бул жакка кириңиз.

Автор: Нуржанат Медетбекова
Фото: Интернеттен алынган сүрөт

13:08 21-05-2017

Жазылуу

РУБРИКАДАГЫ СОҢКУ КАБАРЛАР

10:00 2025-06-19 | Бизнес-Инфо

"Ring My Balance": Абу-Дабидеги Энрике Иглесиастын концертине жолдомону кантип утуп алса болот 18 0

09:57 2025-06-19 | Коом жана турмуш

Мамлекеттик гимндин жаңы редакциясын тандоо боюнча комиссиянын жыйыны өттү 30 0

09:44 2025-06-19 | Түркүн дүйнө

АКШда чет өлкөлүк студенттерге виза берүү кайра жанданды 82 0

09:31 2025-06-19 | Түркүн дүйнө

"Сен муну кийин кыла аласың". Трамп Путиндин сунушунан баш тартканын айтты 499 0

09:10 2025-06-19 | Түркүн дүйнө

Эрдоган: "Израилдин өкмөт башчысы Нетаньяху Гитлерден эчак эле ашып түшкөн" 696 0

08:54 2025-06-19 | Түркүн дүйнө

"Бул чоң айырма". Трамп мергенчи болуп калганын айтты 476 0

Архив

Комментарийлер (8)

Polumna

2017-05-21 13:26:16

Кечирмекмин. Бирок көңүлгө өтө катуу тийсе жүрөк жылыбайт.

aibars

2017-05-21 13:29:12

Polumna, Бир жолу таштап кетсе, экинчи жолу кайталанбайт деп ишенууго болбойт.

aibars

2017-05-21 13:27:52

Уй-булоосу болсо ал сен учун башка адам. Интернеттен суйлошконун анын бактысына кийлигишуу. Болду унут дагы оз жолун менен туз кет демекчимин. Сени дагы бактылуу кылаар адам бар.

Bishkek.001

2017-05-21 14:00:30

Бир жолу көр.не болот экен көрөсүң да

marmiladka9

2017-05-21 14:55:23

уй булоосу бар адам м.н неге суйлошосунор?! Суйуп судуролбой тийбейби нары

arzygulR

2017-05-21 19:24:59

marmiladka9,туура айтасын

Tyty1990

2017-05-21 15:27:58

Эх мен да бир кызды сүйлөшүп жүрүп ыйлаткам. 4жыл мурун үйлөнүп жатканымда чалып али көп өкүнөсүң деп ыйлаган. Ошол сөзбү же башкабы айтор ажырашып 3 жыл болду бойдок жүрөм.

talant87

2017-05-21 16:07:53

kantin kehciresin je ozyno okhsotmokmyn maili den aldamakmun 1=1bolot

Комментарий калтыруу үчүн өз ысымыңыз менен кириңиз же каттоодон өтүңүз.