Бүгүн Бишкекте карылардын колунан чыккан буюмдардын көргөзмө-жарманкеси болуп өттү (фото)

Бүгүн, 20-майда Бишкектеги Эркиндик бульварында карылардын колунан чыккан буюмдардын көргөзмө-жарманкеси болуп өттү. Бул тууралуу шаардык мэриянын басма сөз кызматы билдирди. Жарманке "Жүрөктөн жүрөккө" акциясынын алкагында өткөн.

Акциянын башкы максаты - улгайган адамдарга кошумча каражат булагын таап берүү, буга коомчулуктун жана бийликтин көңүлүн бурдуруу.

Иш-чарага Ысык-Көл, Чүй облустарынын жана Бишкек шаарынын улгайган тургундары катышышты. Көргөзмөгө кийизден, жүндөн жасалган буюмдарды, сувенир жана башка буюмдар, тамак-аштын түрлөрү коюлду.

Автор: Турсунай Алымкулова
Фото: Бишкек шаарынын мэриясы