Канадада деӊиз арстаны кызды сууга тартып кетти

Канаданын Ричмонд шаарында деӊиз арстаны (тюлень тукумуна кирүүчү, сүт эмүүчү жаныбар) кичинекей кызды көйнөгүнөн тиштеп, сууга тартып кетти. Бул тууралуу чет элдик басылмалар кечээ, 21-майда жазып чыгышты.

Болгон окуя тартылган видео жергиликтүү студент тарабынан интернетке жүктөлгөн. Алгач видеонун башталышында жаныбар шашпай сууда сүзүп жүргөнү, элдер ага нандын күкүмдөрүн таштап жатканы көрсөтүлөт.

Ал эми кичинекей кыз жээкке келип отурары менен деӊиз арстаны бир секирүү менен кызды көйнөгүнөн тиштеп, күбөлөрдүн кыйкырганына карабай сууга алып кирип кетет. Ошол жерде тургандардын бирөөсү кызды куткаруу үчүн артынан секирип, аны аман-эсен алып чыгат.

Эксперттердин айтымында, деӊиз сүт эмүүчүлөрү менен азыктанган жаныбар кыздын көйнөгүн балык деп эсептеп алышы мүмкүн.

"Видеону көргөн соӊ алгач эле менде адамдар ушунчалык акылсыз жана жаратылышка тиешелүү деӊгээлде сый менен мамиле кыла алышпайт деген ой келди. Ал деген калифорния деӊиз арстанынын эркеги. Алар ири көлөмдүү келишет жана циркте оюн көрсөтүшпөйт. Аларды эл менен байланышууга да үйрөтүшпөйт", - деген оюн билдирген деӊиздерди изилдөөчү борбордун директору Эндрю Трайтс.