Бир ай мурун Бишкекте Мерседес сүзүп кеткен эки окуучунун бири дале ооруканада

21-апрелде Бишкектеги Бакаев-Ремесленная көчөлөрүнүн кесилишинде Мерседес үлгүсүндөгү унаа сүзүп кеткен эки окуучу баланын бири Алимбек Сыранов дале ооруканада. Бул тууралуу бүгүн, 22-майда Саламаттыкты сактоо министрлигинин басма сөз кызматынын өкүлү билдирди.

"Эки окуучунун бири Алимбек Сыранов ооруканада. Анын учурдагы абалы тууралуу маалымат берүүбүзгө ата-энеси каршы болууда", - дейт басма сөз кызматынын өкүлү.

Ал эми Бишкек шаардык ички иштер башкармалыгынан жогоруда аталган окуя боюнча тергөө иштери уланып жатканын айтты.

Белгилей кетсек, окуучулардын бири Эрбол Мамажакыпов 10-майда ооруканадан чыгарылган.

Автор: Саадат Токтоболот кызы