Депутат Жанар Акаев Венгрияга ЖОЖго өтүү үчүн сынак адилетсиз болгондугу тууралуу далилдерди айтты

Депутат Жанар Акаев Венгрияга ЖОЖго өтүү үчүн сынак адилетсиз өткөндүгү тууралуу далилдерди айтты. Бул тууралуу бүгүн, 24-майда эл өкүлү социалдык түйүндөгү баракчасына жазып чыкты.

Анын айтымында, жалпысы 118 талапкер документ тапшырган. Бирок бир дагы талапкер менен тандоо комиссиясы же Билим берүү жана илим министрлиги аңгемелешүү өткөргөн эмес. Англис тилин билүү деңгээлин текшерген эмес. “Мага далай ата-эне, талапкер кайрылды. Англисче билет деген сертификатты азыр ар ким алып, тиркетип коё алат. Демек, бирөө 13 тил билем деп жазып койсо, ал окууга тандалып калабы? Же сүрөтүнө, боюна карап эле тандап коюшабы? Комиссияга 25 гана адамдын тизмеси берилген, алар бекитип койгон, калган 100дөй адамдын документин эмнеге карашкан эмес? Венгриянын өзүнө катталып, документиңди министрлик аркылуу жибер, күтөбүз деген жоопту алгандар да бар. Кийин министрлик сиздин документти жиберген жок деп кат алышкан. Бир талапкерди болсо, сиздин документиңизди чакыртып алды министрлик деген жооп келген”, - деп жазган.

Ошол эле учурда ал кесиптеши депутат Мурадыл Мадеминовдун "Жанардын тууганы өтпөй калса керек, чычалап жатат, менин кызым онлайн экзамен берген" деп айтканы боюнча жооп айткан. “Мен тууганымды мындай жол менен окууга жиберүү түшүмө да кирбейт, бул биринчиси, экинчиден онлайн сынак али боло элек, калп окшошпой калды бул жерде”, - деп билдирген.

Эске салсак, буга чейин 18-майда Жогорку Кеңештин жыйынында Жанар Акаев Венгриянын жогорку окуу жайлары бөлгөн бекер орунга жалаӊ чиновниктердин балдары өткөнүн айтып чыккан.

Автор: Жылдыз Джускембаева

17:16 24-05-2017

Жазылуу

РУБРИКАДАГЫ СОҢКУ КАБАРЛАР

23:49 2025-07-07 | Кылмыштар, кырсыктар

Бишкекте автобусту карама-каршы тилкеде катуу айдаган айдоочу аныкталды (видео) 90 0

23:28 2025-07-07 | Түркүн дүйнө

Орусиянын Транспорт министрлигинин дагы бир кызматкери каза болду 381 0

23:03 2025-07-07 | Саясат

Орунтаев дархандыктарды эмне деп сүйүнттү? (видео) 376 0

22:35 2025-07-07 | Кылмыштар, кырсыктар

Ысык-Көлдө жасалма номур менен унаа башкарып жүргөн айдоочу аныкталды (видео) 298 0

22:05 2025-07-07 | Түркүн дүйнө

Ирандын президенти Израил аны өлтүрүүгө аракет кылганын айтты 695 0

21:30 2025-07-07 | Коом жана турмуш

Бишкек–Ош унаа жолунун селден улам жабылган аймагы унаа каттамдары үчүн ачылды (видео) 624 0

Архив

Комментарийлер (12)

grace

2017-05-24 17:44:40

Жанар, азамат! Ушунун артынан түшүп бир жыйынтык чыгарсаң жакшы болот эле.

+13

bekov01

2017-05-24 18:18:26

120 кой деп есептен жанылып калыптырбыз туугандар 119 еле кой бар екен. Жанар елдин уулу

+13

sibiryak

2017-05-24 18:41:34

Жанар азаматсын!Ар дайым чындыктын,акыйкаттын адамы болуп журо бер.Ушундай жаштарды коруп,эртенкиге бир аз болсо да умут артасын.

+13

Alixan-Nookat.2015

2017-05-24 19:24:07

Ушулардан туз эфирде сынак алыш керекда ошондо жанагы чоңдордун балдары өздөрү келишпейт уят болорун билет.

barsbegKG

2017-05-24 21:13:42

Жанар элдин уулу! Азамат! Келечек үчүн күйгөн азаматтар көбөйсүн.

butun.kg

2017-05-24 22:15:41

Жанар Акаев молодец чыныгы жигит.эл учун иштейт.

kenjebek_a

2017-05-24 22:56:52

Азаматсын Жанар.Ал эми Мадеминовтун кыншылаганынын жону бар,болбосо шефтери куйругун бурап коет.Эми кошаматчылыгына кызынын сынагын кошуп эмне кылат.

BekAmir

2017-05-25 00:56:18

Азамат Жанар элдин уулусун сен

Kroxa

2017-05-25 07:55:26

Чиновниктин балдары кетпегенде анан ким кетет эле??карапайым уй булоонун баласы билими татыктуу болсо да кыргызстанда калып кетип жатат..

aybekerlan

2017-05-25 10:30:44

2003-жылы мен дагы чет мамлекетке окууга өтөнүмө карабастан барбай калгам, менин документтеримди жибербей башка бир чиновниктин баласынын документин жиберишиптир,бизге бул жактан так маалымат беришкен эмес. Чет мамлекеттеги университеттен жооп алганмын, документтериң келген жок деп. Ошондон кийин гана-ооба чиновниктин баласы кетип жатат,кийинки жылы сени жиберели 1 жыл күтүп тур-дешкен.

aybekerlan

2017-05-25 10:35:59

Политех, КМУ,БГУ жыл сайын Англия,Германияга,Кытайга студенттерди алмашуунун негизинде 3-4 студент жөнөтчү, анда деле ошол эле көрүнүш.
Ак Үйгө да келчү ошол сыяктуу чакыруулар, экзаменсиз эле өз балдарын жиберишчү.

Edward.14

2017-05-25 13:40:52

Азаматсыз Жанар байке!
Сизге окшогон элдин уулдары кобойо берсин!

Комментарий калтыруу үчүн өз ысымыңыз менен кириңиз же каттоодон өтүңүз.