СУПЕРСТАН: "Жасалма кирпик менен жүрүүгө кандай карайсыз?"

SUPER.KG порталынын "Суперстан" бөлүмүндө "Кирпиктерди өстүрүү" деген тема талкууга алынууда.

Темадагы билдирүүлөрдөн:

"Бир жолу курбумдун тоюна Орусиядан кирпик жасатып келгем. Аябай сонун кылып "өстүрүп" берген. Бир айга кепилдик берген. Анысы бир жумада эле суюлуп, түшүп калган. Түшсө го мейли, өзүм ыйлап, эмоцияга берилип ушалап жибергем. Бирок өзүмдүн узун эле кирпиктерим кошо түшкөн да. Анан тойго кайра оңдоттум. Бул жакта улаганы "балчайган" кирпиктер экен, көзүмдү талытып жиберген. Тойдон кийин эле барып баарын алдырып салдым. Өзүмдүн төрт тал кирпигим калган. Анан курбу кызымдын кеңеши менен кастор майын алып 3 ай койдум. Азыр жакшы, кирпиктерим өзүнө келип өсүп калды".

"Келин тоюна макияж жасатканда сөзсүз кирпик койдурат го, анда эртеси күнү эле кирпиги түшүп калып, "кечээ эле сулуу элең бүгүн эмне болдуң?" деп күйөөсү коркутат. Байкуш келиндерге эле кыйын экен да күйөөсүнөн жашынып, кастор майын коюп элестетип койдум".

"Ооба, күйөөсү чочуган деле учурлар кездешип калат. Кайын сиңдим турмушка чыгып жатканда кирпик жасатып, чачын узарттырган экен. Эртеси эле кирпиги түшүп калыптыр. Анан кечинде жоолугун чечсе эле чачы кыска, "өзүңдүн чачың экен деп ойлогом" деп күйөөсү аябай таң калган экен. Экөө бир-эки жолу эле жолугуп баш кошушкан экен да".

"Эң биринчи жолу кошулуп өстүрүлгөн кирпик Голливудда болгон (негизи эле бардык өстүрүү, коштуруу Голливуд жылдыздарынан келип чыккан). Кирпик өстүрүү салондун кадыр-баркына, колдонгон аспаптарына, каражаттарына жараша болот. Бишкекте орто эсеп менен 50-250 долларга кирпик коштурсаңыз болот. Кошулма кирпиктер түшкөндө өзүңүздүн кирпиктериңизди ала кетет. Сизди өмүр бою жибек чачтуу, узун кирпиктүү периште кыла коёбуз деген жарнамалык роликтерге ишене бербегиле. Эсиңизде болсун, жасалма сулуулук издөөнүн арты ден соолуктан ажырап калуу коркунучун ала жүрөт".

Талкууга кошулгуңуз келсе, бул жакка кириңиз.

Автор: Нуржанат Медетбекова
Фото: Интернеттен алынган сүрөт

17:50 02-07-2017

Жазылуу

РУБРИКАДАГЫ СОҢКУ КАБАРЛАР

23:57 2025-07-14 | Түркүн дүйнө

Трамп Армения менен Азербайжандын ортосундагы талаш-тартыштар боюнча пикирин айтты 68 0

23:51 2025-07-14 | Коом жана турмуш

15-июлга карата аба ырайы 66 0

23:41 2025-07-14 | Түркүн дүйнө

Тбилисиде 5 кабаттуу турак үй урап түштү 148 0

23:25 2025-07-14 | Түркүн дүйнө

"Мыкты жигит". Трамп Путин тууралуу пикирин билдирди 281 0

22:50 2025-07-14 | Коом жана турмуш

Эртең Бишкектин айрым жерлеринде жарык өчөт. Тизме 273 0

22:28 2025-07-14 | Түркүн дүйнө

Трамп Путинге Украинага каршы ок атууну токтотууга 50 күн берди 679 0

Архив

Комментарийлер (1)

Jibek94

2017-07-02 19:14:08

Табийгый сулуулукка эмне жетсин. Мага эртен менен бетинди жууганда кандай сулуу болсон ошол сулуулук эле жагат. Негизи жолдошум менин ошол жонокой сулуулугумду жактырат.

Комментарий калтыруу үчүн өз ысымыңыз менен кириңиз же каттоодон өтүңүз.