Кирүү

СУПЕРСТАН: "Күйөөмдүн классташ кызы экөөбүздүн ортобузга түшүп жатат"

SUPER.KG порталынын "Суперстан" бөлүмүндө "Күйөөмдүн классташ кызы экөөбүздүн ортобузга түшүп жатат" деген тема талкууга алынган.

Темадагы автордун билдирүүсү: "Турмушка чыкканыма 3 жыл болду, бир балам бар. Биз дагы эл катары Москвада иштеп жүрүп менин боюмда болгондо өлкөбүзгө келдим. Ошол боюнча кара тизмеге кирип калып, кайра кетпей калдым. Күйөөм барып-келип иштеп жүрөт. Акыркы жолу келгенде Москвада классташы менен сүйлөшүп жүргөнүн угуп өзүнө айтсам, "ортобузда эч нерсе жок, жөн эле сүйлөшүп жүрдүм, болду жыйнаштырдым, сөз берем" деп кеткен. Эми ошол классташы мага чалып "күйөөңө айтчы, мени тынч койсун менин үй-бүлөмдү бузуп жатат, "ажыраш, экөөбүз үйлөнөлү" деп жатат" дейт. Ошонун айынан экөөбүздүн урушубуз көбөйүп жатат. Күйөөмө айтсам "ал менен сүйлөшпөй койсом, үй-бүлөңдү бузам, аялыңа айтам" деп жатат" деди. Кимисине ишеништи билбей калдым. Үй-бүлөлүү эжекелерден сурайын дегем, башыңыздардан ушундай окуялар өттү беле? Кимге айтышты билбей, сиздерге кайрылуудамын".

Темадагы билдирүүлөрдөн:

"Жакшысы жолдошуңарды жаныңарга эле чакырып алгыла да чогуу жашагыла. Аял менен эр эки бөлөк жашаган болбойт, кандай гана абал болбосун чогуу жашаганга аракет кылуу керек".

"Менде ушуга окшогон окуя болгон. Жолдошум менен бир келиндин мамилеси кайсы жерге чейин жеткенин билбейм, бирок ал келинге чалып же беттешип сүйлөшкөн эмесмин, бир эле жазган билдирүүм жеткен. Ошондон кийин жолдошума "мен үй-бүлөңдү бузуп бакыт таппайм, аялың менен бактылуу бол" деп жазыптыр, ошол бойдон дайынын таптырбай жок болуп кетти, жолдошум да кыйшаңдаганын койгон".

"Кулагың менен уккандын баары чын боло бербейт. Чын-төгүнүн билбей туруп күйөөң менен кайым айтышпа. Жолдошуңдун жүрөгүн биротоло ээлеп алсаң, башкаларга орун калбайт".

"Балдарын көзгө илбеген аялдан баарын күтсө болот. Күйөөңдү колдон чыгарба. Ошондой эле ачуу тилиңди агызба, көңүлү калып калат. Өзүң чакыр же жанына барганга аракет кыл, чогуу жашагыла. Эркекке ишенип болбойт, баары бир эркектигин кылат. Сен тараптан жаман мамиле эле болбосо, үй-бүлөсүн таштаганчалыкка барбайт. Ошондуктан аракетке берекет, күйөөңдүн көңүлүн калтырбай, ошол эле кезде амалкөйлүк менен өзүңө имер, айтор күйөөң сенден башка эч кимди көрбөй тургандай кыл. Ал классташын айтып, мээсин чукуба. Бактылуу болгула".

Талкууга кошулгуңуз келсе, бул жакка кириңиз.

Автор: Нуржанат Медетбекова
Фото: Интернеттен алынган сүрөт

16:08 05-07-2017

Жазылуу

РУБРИКАДАГЫ СОҢКУ КАБАРЛАР

13:48 2025-07-12 | Түркүн дүйнө

АКШнын Мамлекеттик департаментинен 1000ден ашуун кызматкер иштен бошотулду 76 0

13:36 2025-07-12 | Кылмыштар, кырсыктар

Милиция Эркиндик бульварындагы жаңы көчөттөрдү сындырган эргулду кармады 230 0

11:46 2025-07-12 | Коом жана турмуш

Ташиевдин жыйынынан кийин Ноокатты гүлдөтүү аракети башталды (видео) 898 0

11:29 2025-07-12 | Кылмыштар, кырсыктар

Ат баспайм деген жерин миң басат... Блогер жоругу үчүн милицияга жеткирилди 1469 0

10:10 2025-07-12 | Түркүн дүйнө

Павел Дуров француз өкмөтүн айыптады 670 0

09:52 2025-07-12 | Спорт

Баракелде! Гүлнура Таштанбекова Азия чемпиондугунда алтын тагынды 868 0

Архив

Комментарийлер (1)

Djal1987

2017-07-05 16:46:45

Эркектерди кичине башкарып текшерип турбаса каяктан тешик корсо кирип кетет. Бышык кармап бош кое бербеш керек. Балдарынарды кобруроок каратып тапкан акчасын уйго жумшаттырыш керек. Оюна койсон жоголуп да кетиши мумкун.

Комментарий калтыруу үчүн өз ысымыңыз менен кириңиз же каттоодон өтүңүз.