"Чыгып кет, жогол!" деп кыйкырган кызматкердин кызматтык абалы каралууда. Мындай маалыматты бүгүн, 19-июлда Мамлекеттик каттоо кызматынын басма сөз катчылыгынан билдиришти.
"Орой мамиле кылган кызматкердин кызматтык абалы каралууда. Бул боюнча атайын комиссия түзүлдү. Жетекчилик атайын тапшырма берди. Эгерде кемчиликтери аныкталса кызматтан кетиши мүмкүн же сөгүш берилет. Чечим комиссиянын жыйынтыгы менен белгилүү болот. Учурда текшерүү иштери башталды", - деп билдирди басма сөз кызматы.
Эске салсак, буга чейин Кара-Суу райондук Жарандык актыларды каттоо кызматынын кызматкери Айжан Мурзабекованын документ алууга келген кызматкерлерге орой сүйлөп кыйкырган видеосу жарыяланган.