Ботаникалык бактын айланасына ветеринардык лаборатория курууга илимий кызматкерлер каршы чыгышууда

Бишкек шаарынын түштүгүндө жайгашкан өзгөчө кайтарууга алынган жаратылыш ботаникалык бактын ичиндеги 4 гектар жерге ветеринардык лаборатория курулушу мүмкүн. Бул тууралуу бүгүн, 1-август күнү пресс-конференцияда ботаникалык бактын директору Медет Ахматов билдирди.

Анын айтымында, Айыл чарба министрлиги өкмөттөн ботаникалык бактын аймагына тиешелүү 4 гектар жерди алып коюуну суранып жатат. Министрлик бул жерге кытайлык гранттын эсебинен өзгөчө кайтарууга алынган жаратылыш аймагы болгонуна карабастан ветеринардык лабораторияны курууну пландаштырып жатат.

"2010-2011-жылдары азыркы айтылып жаткан аймакка лаборатория курабыз деп айтып, мамлекеттин токтому чыккан. Бирок окумуштуулардын жана коомчулуктун сөзүн угуп лабораторияны куруудан баш тарткан. Учурда Кытайдын грантын иштетип, кайрадан бул ишти козгошууда. Ботаникалык бак илимий институтунун статусу бар, атайын коргоо зонасына кирет. Ал жакта элдер эс алат жана ботаникалык бак билим берүү функцияларын аткарат. Кошумчалап айта кетсек, биринчиден, аталган аянт суу коргоо зонасынын ичине кирет. Аламүдүн дарыясына 15 метр жакын болгондуктан ар түрдүү коркунучтар бар. Экинчиден, сейсмикалык жарылуу бар болгондуктан, жер титирөө болсо ал жакта сел жүрүшү мүмкүн. Бул чоң долбоор болгондуктан демилгечилер коомдук угууларды сөзсүз уюштурушу керек, алар элдин сөзүн угуп жана оюн билиш керек. Биз ботаникалык бактын айланасына ветеринардык лабораторияны курганга каршыбыз", - деп кошумчалады Медет Ахматов.

Автор: Нурсултан Нурболот уулу
Фото: Интернеттен алынды

16:24 01-08-2017

Жазылуу

РУБРИКАДАГЫ СОҢКУ КАБАРЛАР

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы таурак-жайлуу болушту (сүрөттөр) 14 0

17:05 2025-07-13 | Саясат

Көлбаев атындагы тоннелдин жолдоруна августтун аягына чейин асфальт төшөлөт 295 0

16:53 2025-07-13 | Түркүн дүйнө

Парижде жаңы мамлекетти түзүү жөнүндө келишимге кол коюлду 414 0

16:17 2025-07-13 | Түркүн дүйнө

Испанияда мигранттар менен жергиликтүүлөрдүн массалык мушташы катталды (видео) 543 0

15:23 2025-07-13 | Коом жана турмуш

ӨКМ: Көл-Төр көлүнүн жолунда жайгашкан айыл элинин тынчсыздануусуна негиз жок 416 0

15:03 2025-07-13 | Саясат

Оштун мэри нөшөрлүү жаанда шаарды каптаган суунун себебин айтты (видео) 1241 0

Архив

Комментарийлер (2)

grace

2017-08-01 17:06:57

Албетте курбаш керек ал жерге. Кытайлар атайын кылып жатпайт деп ким гарантия бере алат? Андан башка жер табылбай калмак беле...

zevs

2017-08-01 18:14:16

bishkekte bawka jay kurup kalyptirby.jer keniri ele jatatko sentrge ele tygyla berbey alysyrak jerlerge kursa elder kichine jylyp sentrler bowop kalmak

Комментарий калтыруу үчүн өз ысымыңыз менен кириңиз же каттоодон өтүңүз.