"ЭЛДИК КАБАРга" жооп: "Исхак Раззаковдун туулган жана каза болгон жылдары туура эмес жазылып илинген Сокулуктагы баннер жаңыланат"

Сокулукта мамлекеттик ишмер Исхак Раззаковдун туулган жана каза болгон жылдары туура эмес жазылган баннер алынды. Мындай маалыматты SUPER.KG порталына Военно-Антоновка айылынын башчысы Нурсуланбек Бөкөнбаев билдирди.

Анын айтымында, баннердеги туура эмес жазылган даталар оңдолуп, кайрадан илинет.

"Тарыхый инсандар тууралуу жасалган бул баннерлерди жергиликтүү кеңештин чечими менен биз илгенбиз. Компьютердик басып чыгарууга буюртма бергенбиз. Бирок баннердеги маалыматтарда компьютерде жазып жатканда ката кеткен. Аны илип жаткан муниципалдык мекеменин кызматкерлери да баам салышкан эмес”, - дейт Бөкөнбаев.

Ал белгилегендей, каталар оңдолуп, баннер 1 жуманын ичинде илинет. Буга тиешелүү айыл өкмөттүн кызматкерлерине эскертүүлөр берилгенин кошумчалады ал.

Эске салсак, буга чейин Чүйдүн Сокулук районунун Военно-Антоновка айылындагы унаа жолго илинген баннерлердин биринде Исхак Раззаковдун туулган жана каза болгон жылдары туура эмес жазылгандыгын окурман "Элдик кабарга" жөнөткөн.

"Муну кандай түшүнсө болот, бизге окшогон жана өсүп келе жаткан жаш муундар мындай маалыматты көрүп ишенип калат. Мындай нерсени тактап анан жазышса болмок", - деген ал.

Сүрөттө көрүнгөндөй, баннерге Раззаковдун туулган жана каза болгон жылдарын 1817-1898-жылдар деп жазышкан. Ал эми мамлекеттик ишмер 1910-жылы 25-октябрда туулуп, 1979-жылы 69 жашында көз жумган.

Автор: Айнуска Жороканова

08:59 01-02-2018

Жазылуу

РУБРИКАДАГЫ СОҢКУ КАБАРЛАР

23:46 2025-07-18 | Түркүн дүйнө

Казакстандык дипломат аялын сабаганы үчүн 6 жылга эркинен ажыратылды 427 0

23:35 2025-07-18 | Коом жана турмуш

19-июлга карата аба ырайы 278 0

22:56 2025-07-18 | Кылмыштар, кырсыктар

Аскердеги өлүм: Жоокердин үй-бүлөсү чындыкты талап кылууда 1025 0

22:04 2025-07-18 | Коом жана турмуш

19-20-21-июль күндөрү Бишкектин айрым аймактарында жарык өчүрүлөт (тизме) 511 0

21:33 2025-07-18 | Саясат

Алмамбет Шыкмаматов Мамлекеттик салык кызматынын төрагасы болуп дайындалды 2027 0

20:56 2025-07-18 | Саясат

Алмаз Салиев Мамлекеттик бажы кызматынын төрагасы болуп дайындалды 1089 0

Архив

Комментарийлер (2)

Asel1Aikol

2018-02-01 09:06:05

Ошону жазып чыгарып илип жатканда баам салбаган тооба тооба бизде бүт эле тааныш аркылуу жумушка орношкондор экени билинип эле турат го! ! Уят уят уялбай дагы компьютерди күнөөлүү кылып коюшту да компьютерди жоопко тарткыла анан илип жатканда баам салып каласынар! !

aizira

2018-02-01 15:16:15

Asel1Aikol, туура айтыпсыз бул эмне деген шумдук компьютерди созсуз турдо жоопко тартыш керек))))))

Комментарий калтыруу үчүн өз ысымыңыз менен кириңиз же каттоодон өтүңүз.