Милициянын бөлмөсүндө бычакталып каза болгон кыздын окуясы боюнча Жайыл РИИБинин кызматкерлерине кылмыш иши козголду

Милиция бөлүмүндө жигит кызга, андан соң өзүнө бычак сайган окуя боюнча Жайыл райондук прокуратурасы жумушуна шалаакылык мамиле кылган милиция кызматкерлерине кылмыш ишин козгоду. Бул тууралуу SUPER.KG порталына аталган прокуратурадан билдирди.

Маалыматка ылайык, Кылмыш-жаза кодексинин 316-беренеси (шалаакылык) боюнча Жайыл РИИБинин кызматкерлерине Жайыл райондук прокуратурасы тарабынан кылмыш иши козголгон.

"Учурда бул окуя боюнча иликтөө иштери башталды. Биринчиден, милиция кызматкерлери иш убагында мыйзам боюнча айтылган тийиштүү иш-аракеттерди колдонуш керек. Мисалы, кармалган адамга кароо жүргүзүү, жанында өзгөчө курал-жарак же башка буюмдар жок экенин текшерүү. Андан соң адамга психологиялык жактан байкоо жүргүзүп, адамдын коркуп же жүрүм-турумунун өзгөрүүсүн баамдоо. Экинчиден, кармап келген адамдарды РИИБден каттоого алып, текшерүүдөн дагы бир жолу өткөрүп, анан тийиштүү органга өткөрүп берүү. Үчүнчүдөн, жалпы коопсуздукту сактоо. Башкача айтканда, ыкчам иш-аракет дегенди убагында колдоноо билүү", - деди прокуратурадан.

Прокуратура кармалган кыз менен бала кокустан милициянын колуна түшпөгөнүн, бул окуя боюнча бардык постторго жана райондук бөлүмдөргө убагында кабар берилгенин баса белгилейт.

"Бул жерде кыз менен бала бир окуяга тийиштиги, башкача айтканда, шектүү болуп кармалып жаткан соң жеринен текшерүүгө алынышы керек эле. Алгач кармалганда алар Жайыл РИИБине чейин тынч эле келишкен. Качан гана милициянын бөлмөсүнө киргенде буларга ар кандай ойлор келген. Себеби окуяны жалпылап айтканда, шектүү жигит маркум кызды мага турмушка чыгасын, болбосо эч кимге чыкпайсын же экөөбүз тең өлүшүбүз керек деген мотивде бычак сайган. Учурда тергөө жүрүп жатат. Шектүү баланын ден соолугу калыпка келген соң, кыймыл-аракетине жараша юридикалык жактан баа берилет", - деди Жайыл райондук прокуратурасы.

27-май күнү түндө 29 жаштагы жигиттин кызды ала качып бара жаткандыгы боюнча Биринчи Май РИИБине кабар келип түшкөн. Мындан көп узабай Сосновка айылындагы посттон Чүй ОИИББинин кызматкерлери Subaru Outback үлгүсүндөгү унааны токтотушуп, 29 жаштагы жигиттин 20 жаштагы кызды үй-бүлө куруу максатында ала качып бара жатканын аныктап, Жайыл РИИБине жеткиришкен. Милиция бөлүмүндө жигит кызга, андан соң өзүнө бычак сайып, оор абалда экөө тең ооруканага жеткирилген. Кыз алган жаракатынан улам көз жумган. Ал эми жигиттин кесиптештери анын ичимдик ичпеген, ишине так бала экенин билдиришкен. Анын абалы оор экенин Жайыл райондук ооруканасынын башкы дарыгери айткан.

Жигит ала качып бараткан кызын милиция бөлүмүндө бычактап өлтүргөн

Автор: Айсалкын Качкынбекова

10:31 29-05-2018

Жазылуу

Тектеш кабарлар:

Бурулайдын өлүмү боюнча соттук отурум: Айыпталуучунун унаасын токтоткон кызматкер Бурулай бизден "ала качып баратат" деп жардам сураган эмес дейт

Милиция бөлүмүндө бычакталып каза болгон Бурулай Турдали кызынын өлүмү боюнча соттук отурум 12-ноябрга жылды

Бурулайдын өлүмү боюнча милиция кызматкерлеринин соту: Кийинки отурумда жарыш сөз сүйлөнүп, өкүм чыгышы мүмкүн

Бурулайдын өлүмү боюнча милиция кызматкерлеринин жоопкерчилигин караган соттук отурум 28-январда уланат

Милиция бөлүмүндө бычакталып каза болгон Бурулайдын окуясы боюнча кезектеги соттук отурум: Тергөөчү күбө катары суралды

Бурулайдын өлүмү боюнча соттук отурум: Жайыл РИИБинин тергөөчүсү: "Сырттан кыздын катуу кыйкырганын угуп, бөлүмгө чуркап келдим"

Милиция бөлүмүндө бычакталып каза болгон Бурулайдын иши боюнча соттук отурумдун датасы белгилүү болду

Бурулайдын өлүмү боюнча соттук отурум: Айыпталуучулардын жактоочусу соттук кароо бир тараптуу жүрүп жатканын айтып нааразы болду

Милиция бөлүмүндө бычакталып каза болгон Бурулай боюнча кезектеги соттук отурум башталды

Бурулайдын өлүмү боюнча милиция кызматкерлеринин соту болду. Жабырлануучу тарап эки кызматкерге тосмо арыз жазды

РУБРИКАДАГЫ СОҢКУ КАБАРЛАР

07:58 2025-06-12 | Коом жана турмуш

Блог: Байыркы тарых менен заманбап доор айкалышкан Египет 670 0

23:51 2025-06-11 | Коом жана турмуш

Жайылда желмаянды мас абалында башкарган жаран кармалды 665 0

23:02 2025-06-11 | Саясат

Адылбек Касымалиев Бишкек эл аралык кинофестивалынын ачылышына катышты 370 0

22:50 2025-06-11 | Түркүн дүйнө

Трамп Кытай менен соода келишими даяр экенин билдирди 646 0

22:21 2025-06-11 | Коом жана турмуш

Белгилүү британиялык актёр Доминик Уэст Бишкекке келди (фото) 1083 0

22:02 2025-06-11 | Кылмыштар, кырсыктар

Бишкекте жүк ташуучу унаа оодарылып кетти (видео) 1032 0

Архив

Комментарийлер (5)

Chungyz

2018-05-29 11:39:03

Иштегиле козголгон бойдон калып калбасын эч болбосо жумуштан алгыла

fantomas

2018-05-29 12:06:11

Жумуштан бошотуп туруп 2-3 айдан сон башка болумго жумушка алып алышчу эле булар...

Тергоочу жумуштан гана алынбастан, мыйзам алдында жооп бериши керек...

+10

fanatka19

2018-05-29 13:49:26

жоопко тартылышсын билип эле турам аларды алып келип отургузуп койушуп, ары басып бери басып журушту да аябай иштеп аткан киши болушуп.

Janna07

2018-05-29 14:03:14

Карга карганын козун чукубайт

Mars575

2018-05-29 15:13:10

Дагы бир байкуш жонокой милиция кызматкерлери жоопко тартылып, чондору калат каткырып

Комментарий калтыруу үчүн өз ысымыңыз менен кириңиз же каттоодон өтүңүз.