Чүйдөгү милиция бөлүмүндө жигит жаш кызды бычактап өлтүрдү. Милиция аны кызды уурдап бара жаткан жеринен кармаган

Тектеш кабарлар: Милиция бөлүмүндө бычакталган Бурулайдын өлүмү, тергөө жана сот иштери (102 материал)

Бишкекте 20 жаштагы кызды үй-бүлө куруу максатында ала качып кеткен жаран ага бычак сайды. Бул тууралуу Чүй ОИИББинин басма сөз кызматы билдирди.

Маалыматка ылайык, кечээ, 27-майда саат 22:00 чамасында Биринчи Май РИИБине 20 жаштагы кызды үй-бүлө куруу максатында уурдап кетишкени боюнча маалымат келип түшөт. Мындан көп узабай Сосновка айылындагы посттон Чүй ОИИББинин кызматкерлери Subaru Outback үлгүсүндөгү унааны токтотушкан. Унааны 29 жаштагы Б.М. аттуу айдоочу башкарып келе жаткан. Машинанын ичинде 30 жаштагы С.А. аттуу эркек киши жана 20 жаштагы Т.Б. аттуу кыз болгон. Алар Жайыл РИИБине жеткирилип, кабыл алуу бөлүмүнө 20 жаштагы кыз киргизилген. Бир аз убакыттан кийин ал бөлмөгө Б.М. кирип келип эшикти ичинен бекитип алган. Бөлмөдө уруш-талаштын дабышы чыкканынан улам эшикти талкалап кирген милиция кызматкерлери жерде канжалап жаткан кызды көрүшкөн. Ал эми ага кол салган жаран өзүнө да бычак сайган.

Жабырлануучу 20 жаштагы Т.Б. Жалал-Абад облусунда төрөлүп, Бишкек шаарында жашаган. Ал алган жаракаттарынан улам оорукананын жандандыруу бөлүмүндө көз жумган. Кызга кол салган жаран 29 жаштагы Талас облусунун тургуну болгон. Учурда шектүү оорукананын жандандыруу бөлүмүндө жатат.

Ал эми унаадагы үчүнчү жүргүнчү С.А. Жайыл РИИБинин убактылуу кармоочу жайына киргизилди. Учурда бул окуя боюнча Кылмыш-жаза кодексинин 97-беренеси (киши өлтүрүү) боюнча иш козголуп, тергөө амалдары башталды. Ошондой эле окуя боюнча кызматтык иликтөө жүрө турганы айтылат маалыматта.

жаңыланды 23:55 28-05-2018
кошулду 19:30 28-05-2018

Жигит ала качып бараткан кызын милиция бөлүмүндө бычактап өлтүргөн

Автор: Айсалкын Качкынбекова

Жазылуу

РУБРИКАДАГЫ СОҢКУ КАБАРЛАР

21:49 2024-05-06 | Спорт

Амантур Жумаев Азия чемпиондугунда 2-орунга ээ болду 475 0

21:08 2024-05-06 | Коом жана турмуш

Ошто сел суулары турак үйдү каптады 1169 0

20:30 2024-05-06 | Коом жана турмуш

Бишкекте Төмөнкү Ала-Арчада мектепке кошумча имарат ачылды 358 0

19:54 2024-05-06 | Коом жана турмуш

Бишкектин бир бөлүгүндө таза суу өчүрүлөт 452 0

19:39 2024-05-06 | Саясат

"Тазалыктын" мурдагы жетекчиси Рамиз Алиев жаңы кызматка дайындалды 1921 0

19:17 2024-05-06 | Кылмыштар, кырсыктар

"Англияга жумушка жөнөтөм". Баткенде алдамчылыкка шектелген жаран чек арадан кармалды 1300 0

Архив

Комментарийлер (18)

yrmat88

2018-05-28 13:42:37

Адамды урдоо аркылуу уй булоо куруп кереги жок. Азыркы замандын эн жаман жапайчылык корунушу.

dastan.bujun

2018-05-28 13:43:27

Милициялар жинди го. Шектууну нормальный жерге киргизип камап туруш керек да.Жакшы милициянын баарын кошо олтурбоптур.

+10

Chungyz

2018-05-28 14:06:28

Милицияларды окуудан откоруп текшериш керек элементарный кемчиликтен ушундай болду

+16

AIZAD

2018-05-28 14:08:41

Милиция коргой албай калгандан кийин... соз жок! Кимге ишенебиз эми? Милициянын кебетеси бул, тартип жок таптакыр. Чондор болсо болушунча алдап элди ичип жеп, деги укмуш эле болуп атат биягы. Каяктарга бараттык экен?

+18

kgstan2014

2018-05-28 14:16:54

Ишенуу кыйын башка маселе болушу мумкун

Nevestkaa

2018-05-28 14:37:14

Таптакыр эле башка версия болушу да мүмкүн,айтор ишениш кыйын.А эгер чындап ушундай болсо байкуш катуу сүйгөн экен,макул болбосо кызуу кандуулука алдырган турбайбы.

-1

tynara81

2018-05-28 14:39:16

Милиция бөлүмүндө тартип жокпу. Кызды алып кирген кабыл алуу бөлүмүндө кызматкер болбогонбу. Тиешелүү милициялар да жазаланышы керек. Кыз менен сүйлөшүп ишти бүтүрөм десе, жалгыз калтырып коюшкандыр да, сүйлөшүп алышсын деп.

saparu

2018-05-28 14:40:09

Милициялар бычагын текшербей эмне кылып журушот деймда

+15

bekov01

2018-05-28 15:07:50

Милициялардын дагы жоопкерчилиги каралышы керек. Кызматына конул кош карагандыгы учун жок дегенде жумуштан алынышы керек

Jasa

2018-05-28 15:18:52

Эч кандай катуу суйгон жери корунбойт,кызуу кандуулукка алдырып олтургудой ал кыз душманы беле,мындай адамды эгоист деп коет озун ойлоп мага буюрбаса башкасына да жок деп олтуруп салды да,акмак

Dastanke2014

2018-05-28 15:23:49

Кайра кайра бычак сайгыча милиция эмне иш кылды. Кочодо же уйундо эмес милиция болумундо болгон окуя экен. Шалаакылык беренеси боюнча аларды да жазалоо керек.

alikgz

2018-05-28 15:52:41

Милицяларга иш козголушу керек москвада баары жогун шыпырып анан решеткага киргизет бычак каяктан келди кызык-

Matahara1980

2018-05-29 00:01:05

Озун да олтуро сайса болмок, бироонун жапжаш кызын олтуруп коюп озунун тируу калганын кара шумшук

Kirajsjk

2018-05-29 03:27:39

ии заман кайда баратабыз.Ушундай кантип болсун,кантип барды ушул ишке.Окунучту

2018mt

2018-05-29 03:48:28

Милиция болумундо ушундай иш болсо.... Кантип олтургучо эч Ким билбей калган?

Комментарий калтыруу үчүн өз ысымыңыз менен кириңиз же каттоодон өтүңүз.