Декларация: Дене тарбия жана спорт боюнча мамлекеттик агенттиктин башчысы Байгазы Кенжебаев 2012-жылы 312 456 сом, жакындары 4 миллион сом киреше тааптыр

Өкмөткө караштуу Дене тарбия жана спорт боюнча мамлекеттик агенттиктин башчысы Байгазы Кенжебаев "2012-жылы 312 456 сом киреше тааптыр. Бул сумма анын бир жылдык кирешеси жана үй-мүлкү тууралуу тапшырган декларациясында көрсөтүлгөн. Анын кыймылсыз мүлкүнө 800 чарчы метр аянтты ээлеген курулушу аяктай элек имарат кирет. Ал эми Кенжебаевдин жакындары 2012-жылы 4 319 050 сом киреше тапкан. Мындан сырткары 60 миң долларлык насыя алган. Кыймылсыз мүлктөрү - 101 чарчы метр аянтты ээлеген үй, 188 чарчы метр жерди ээлеген административдик мекеме.

Автор: Автандил Добулбеков